രണ്ട് വർഷത്തിന് 40,000 കിലോമീറ്ററായി കണക്കാക്കിയ സ്റ്റാൻഡേർഡ് വാറൻ്റി, മൂന്ന് വർഷത്തിലേക്ക് 1,00,000 കിലോമീറ്ററായി (ഏതാണോ ആദ്യം) വർദ്ധിപ്പിച്ചു മാരുതി സുസുക്കി. പുതിയ സ്റ്റാൻഡേർഡ് വാറന്റി എൻജിൻ, മെക്കാനിക്കൽ ഘടകങ്ങൾ, ഇലക്ട്രിക്കൽ, എയർ കണ്ടീഷനിംഗ് സംവിധാനങ്ങൾ എന്നിവയ്ക്ക് ദീർഘകാല കവറേജ് നൽകുന്നതാണ്. വാറന്റി കവറേജ് 11 ഉയർന്ന മൂല്യമുള്ള വാഹന ഘടകങ്ങളിലേക്കായി  വിപുലീകരിച്ചിട്ടുമുണ്ട്.

അറ്റകുറ്റപ്പണികൾക്ക് സൗജന്യമായി അംഗീകൃത സേവന കേന്ദ്രങ്ങളിൽ നിന്നും നടത്താം
ഇന്ത്യയിലുടനീളം വാറന്റി കാലയളവ് തീരും വരെ മാരുതി സുസുക്കിയുടെ ഏത് അംഗീകൃത സേവന കേന്ദ്രങ്ങളിൽ നിന്നും സൗജന്യ അറ്റകുറ്റപ്പണികൾക്ക് ചെയ്യാവുന്നതാണ്. ആറ് വർഷം വരെയൊ അല്ലെങ്കിൽ 1,60,000 കിലോമീറ്റർ വരെയൊ (ഏതാണോ ആദ്യം വരുന്നത്) അത് കവർ ചെയ്യുന്നതിനുള്ള വിപുലീകൃത വാറൻ്റി ഓപ്ഷനും കമ്പനി ഉപഭോക്താക്കൾക്കായി മുന്നോട്ട് വെച്ചു.

ഉപഭോക്താക്കൾക്ക് കൂടുതൽ മൂല്യം ഉറപ്പാക്കുക എന്ന ലക്ഷ്യത്തോടു കൂടിയാണ് മൂന്ന് വർഷമായി അല്ലെങ്കിൽ  1,00,000 കിലോമീറ്ററായി  സ്റ്റാൻഡേർഡ് വാറൻ്റി കവറേജ് വർധിപ്പിച്ചത് എന്ന് എം.എസ്.ഐ.എൽ മാർക്കറ്റിംഗ് & സെയിൽസ് സീനിയർ എക്സിക്യൂട്ടീവ് ഓഫീസർ പാർത്ഥോ ബാനർജി വ്യക്തമാക്കി. കൂടാതെ ആറ് വർഷത്തേക്ക് അല്ലെങ്കിൽ 1,60,000 കിലോമീറ്ററിലേക്ക് വരെയുളള വിപുലീകൃത വാറൻ്റി പാക്കേജുകളും കമ്പനി പുറപ്പെടീച്ചു. 

ഉപഭോക്താക്കൾക്ക് കൂടുതൽ സൗകര്യവും സംതൃപ്‌തിയും പ്രദാനം  ചെയ്യാനായി മെച്ചപ്പെടുത്തിയ സ്റ്റാൻഡേർഡ് വാറൻ്റിയും പുതുക്കിയ വിപുലീകൃത വാറൻ്റി പാക്കേജുകളും സഹായകമായേക്കും. ഈയൊരു ഇളവ് മാരുതി സുസുക്കി വാഹനങ്ങൾ സ്വന്തമാകാനായി ഉപഭോക്താക്കൾക്ക് കൂടുതൽ പ്രേരണ നൽകുന്നതായിരിക്കുമെന്നും കമ്പനി വിശ്വസിക്കുന്നു.

content highlight : Maruti has good news for vehicle owners; New offers on warranty for all vehicles