അബൂദബി: ഇക്കഴിഞ്ഞ വെള്ളിയാഴ്ച യു.എ.ഇയിലെ വിവിധ തെരുവുകളില്‍ ഒത്തുകൂടി കലാപത്തിന് പ്രേരിപ്പിച്ച 57 ബംഗ്‌ളാദേശ് പൗരന്മാര്‍ക്ക് അബൂദബി ഫെഡറല്‍ അപ്പീല്‍ കോടതി ശിക്ഷ വിധിച്ചു.

സ്വന്തം സര്‍ക്കാരിനെ സമ്മര്‍ദത്തിലാക്കാന്‍ പ്രകടനങ്ങള്‍ക്ക് ആഹ്വാനം ചെയ്തതിനും കലാപത്തിന് പ്രേരിപ്പിച്ചതിനും മൂന്ന് പ്രതികളെ കോടതി ജീവപര്യന്തം തടവിന് ശിക്ഷിച്ചു. 53 പ്രതികള്‍ക്ക് 10 വര്‍ഷത്തെ തടവ് വിധിച്ചതോടൊപ്പം, നിയമ വിരുദ്ധമായി രാജ്യത്ത് പ്രവേശിച്ച് കലാപത്തില്‍ പങ്കെടുത്ത ഒരാള്‍ക്ക് 11 വര്‍ഷത്തെ തടവും ശിക്ഷ വിധിച്ചു. തടവനുഭവിച്ച ശേഷം ഇവരെ നാടു കടത്താനും പിടിച്ചെടുത്ത എല്ലാ ഉപകരണങ്ങളും കണ്ടുകെട്ടാനും കോടതി ഉത്തരവിട്ടു.

യു.എ.ഇയിലെ പല തെരുവുകളിലും അനധികൃതമായി സംഘം ചേര്‍ന്നതിനും കലാപത്തിന് പ്രേരിപ്പിച്ചതിനും അറസ്റ്റിലായ ബംഗ്‌ളാദേശ് പൗരന്മാര്‍ക്കെതിരെ അടിയന്തര അന്വേഷണത്തിന് യു.എ.ഇ അറ്റോര്‍ണി ജനറല്‍ ചാന്‍സലര്‍ ഡോ. ഹമദ് സൈഫ് അല്‍ ഷംസി വെള്ളിയാഴ്ച ഉത്തരവിട്ടിരുന്നു.

UAE punishes Bangladeshi citizens for unlawful assembly

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക