തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധിക്കെതിരേ പ്രചാരണം നടത്തിയതിന് കഴിഞ്ഞ രണ്ടുദിവസങ്ങളിലായി സംസ്ഥാനത്തൊട്ടാകെ 39 കേസുകൾ രജിസ്റ്റർ ചെയ്തു. ദുരിതാശ്വാസനിധിക്കെതിരേ പ്രചാരണം നടത്തിയ 279 സാമൂഹമാധ്യമ അക്കൗണ്ടുകളാണ് ഇതുവരെ കണ്ടെത്തിയത്. ഇവ നീക്കം ചെയ്യാൻ നിയമപ്രകാരമുള്ള നോട്ടിസ് നൽകിയിട്ടുണ്ടെന്ന് കേരള പൊലിസ് അറിയിച്ചു. 

ആലപ്പുഴയിലും പാലക്കാട്ടു അഞ്ചുവീതവും തിരുവനന്തപുരം സിറ്റിയിലും തൃശൂർ റൂറലിലും നാലുവീതവും കൊല്ലം റൂറൽ, കോട്ടയം എന്നിവിടങ്ങളിൽ മൂന്നു വീതവും എറണാകുളം സിറ്റി, എറണാകുളം റൂറൽ, തൃശൂർ സിറ്റി, കണ്ണൂർ സിറ്റി എന്നിവിടങ്ങളിൽ രണ്ടു വീതവും കേസുകളാണ് രജിസ്റ്റർ ചെയ്തത്. തിരുവനന്തപുരം റൂറൽ, കൊല്ലം സിറ്റി, പത്തനംതിട്ട, ഇടുക്കി, മലപ്പുറം, വയനാട്, കാസർകോട് എന്നിവിടങ്ങളിൽ ഓരോ കേസുകളും രജിസ്റ്റർ ചെയ്തു.

അതേസമയം, മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായങ്ങളുടെ ഒഴുക്ക് തുടരുകയാണ്. തിരുവനന്തപുരം കോർപറേഷൻ രണ്ട് കോടി, ഭീമ ജ്വല്ലറി ഉടമ ഡോ. ബി. ഗോവിന്ദൻ രണ്ട് കോടി, കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മിഷൻ ഒരു കോടി, സംസ്ഥാന പിന്നോക്ക വിഭാഗ വികസന കോർപറേഷൻ ഒരു കോടി, ലൈബ്രറി കൗൺസിൽ ഒരു കോടി, മുൻ എം.പിയും എസ്.ആർ.എം യൂനിവേഴ്സിറ്റി ഫൗണ്ടർ ചാൻസലറുമായ ഡോ. ടി.ആർ പാരിവേന്ദർ ഒരു കോടി, ശ്രീ ഉത്രാടം തിരുനാൾ അക്കാദമി ഓഫ് മെഡിക്കൽ സയൻസ് 50,34,000 രൂപ എന്നിങ്ങനെ നല്‍കി. 

ചലച്ചിത്രതാരം മോഹൻലാൽ 25 ലക്ഷം രൂപ നൽകി. ചലച്ചിത്ര താരങ്ങളായ മമ്മൂട്ടി, ദുൽഖർ സൽമാൻ, ആസിഫ് അലി, ഫഹദ് ഫാസിൽ, നസ്രിയ, മഞ്ജു വാര്യർ, നവ്യ നായർ, തമിഴ് നടൻ സൂര്യ, കാർത്തി, ജ്യോതിക, നയൻ‌താര, വിക്രം, രശ്‌മിക മന്ദാന തുടങ്ങി നിരവധിപ്പേർ കഴിഞ്ഞ ദിവസങ്ങളിലായി സഹായം എത്തിച്ചിരുന്നു. സി.പി.എം സംസ്ഥാന കമ്മിറ്റി 25 ലക്ഷം, അഖിലേന്ത്യാ ജനാധിപത്യ മഹിളാ അസോസിയേഷൻ 35 ലക്ഷം, കേരള സ്റ്റേറ്റ് സർവിസ് പെൻഷനേഴ്സ് യൂനിയൻ 25 ലക്ഷം, മഞ്ജു വാര്യർ ഫൗണ്ടേഷൻ അഞ്ച് ലക്ഷം എന്നിങ്ങനെയും നൽകി.വി.പി.എസ് ഹെൽത്ത് കെയർ അത്യാവശ്യ മരുന്നുൾപ്പെടെ ഒരു കോടി രൂപയുടെ മെഡിക്കൽ അവശ്യവസ്തുകൾ കൈമാറുമെന്ന് ചെയർമാൻ ഷംഷീർ വയലിൽ അറിയിച്ചു.

In the last two days, 39 cases have been registered across the state for campaigning against the Chief Minister's Disaster Relief Fund. So far, 279 social media accounts have been identified as campaigning against the relief fund. The Kerala Police have issued legal notices to remove them