ദുബൈ/മസ്‌കത്ത്: ഒമാനിലെ ഇബ്‌റി വിലായത്തിലുണ്ടായ വാഹനാപകടത്തില്‍ ഗുരുതരമായി പരുക്കേറ്റ ഇമാറാത്തി വനിതയെ സുരക്ഷിതമായി ഒഴിപ്പിച്ചു. പരുക്കേറ്റ ഇവരെ അപകട സ്ഥലത്ത് നിന്ന് ഇബ്‌റി ആശുപത്രിയിലേക്ക് ഉടന്‍ തന്നെ ഹെലിക്കോപ്റ്ററില്‍ കൊണ്ടുപോവുകയായിരുന്നു. 
ഒമാന്‍ അധികൃതരുടെ പിന്തുണയോടെ യു.എ.ഇ വിദേശ കാര്യ മന്ത്രാലയം നാഷനല്‍ ഗാര്‍ഡ്‌സിന്റെ നാഷനല്‍ സെര്‍ച്ച് ആന്‍ഡ് റെസ്‌ക്യൂ സെന്ററുമായി സഹകരിച്ചാണ് രക്ഷാ ദൗത്യം വിജയകരമായി നടപ്പാക്കിയത്. കൂടുതല്‍ ചികില്‍സക്കായി ഇവരെ പിന്നീട് യു.എ.ഇയിലേക്ക് കൊണ്ടുവന്നു.