പത്തനംതിട്ട: രണ്ട് സൈബര്‍ തട്ടിപ്പു വഴി രണ്ടുപേരില്‍ നിന്നായി അഞ്ചുകോടി രൂപയോളം തട്ടിയെടുത്ത സംഭവത്തില്‍ നാലുപേരെ പത്തനംതിട്ട ക്രൈംബ്രാഞ്ച് ഡിവൈ.എസ്.പി കെ.എ വിദ്യാധരന്റെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തു. സ്റ്റോക്ക് മാര്‍ക്കറ്റില്‍ നിക്ഷേപിച്ചാല്‍ അമിത ലാഭം ലഭിക്കുമെന്ന് വിശ്വസിപ്പിച്ച് കോഴഞ്ചേരി സ്വദേശിയില്‍ നിന്നും 3.45 കോടി തട്ടിയ കേസില്‍ മലപ്പുറം കല്‍പകഞ്ചേരി കക്കാട് അമ്പാടിയില്‍ ആസിഫ് (30), തെയ്യമ്പാട്ട് സല്‍മാനുല്‍ ഫാരിസ്( 23 ), തൃശൂര്‍ കടവല്ലൂര്‍ ആച്ചാത്ത് വളപ്പില്‍ സുധീഷ് ( 37) എന്നിവരാണ് പിടിയിലായത്. തിരുവല്ല സ്വദേശിയില്‍ നിന്നും 1.57 കോടി തട്ടിയെടുത്ത കേസില്‍ കോഴിക്കോട് ഫറോക്ക് ചുങ്കം മനപ്പുറത്ത് ഇര്‍ഷാദുല്‍ ഹക്കു ( 24 )മാണ് പിടിയിലായത്.

കംബോഡിയ കേന്ദ്രമാക്കി പ്രവര്‍ത്തിക്കുന്ന സൈബര്‍ തട്ടിപ്പുസംഘത്തിലെ ആന്ധ്ര സ്വദേശികളായ ഹരീഷ് കുരാപതി, നാഗ വെങ്കട്ട സൗജന്യ കുരാപതി എനിവരെ നേരത്തെ അറസ്റ്റ് ചെയ്തിരുന്നു. ഇവരില്‍ നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് യുവാക്കള്‍ പിടിയിലായത്. ആന്ധ്ര സ്വദേശികളുടെ നേതൃത്വത്തില്‍ കേരളത്തില്‍ നിന്നും ഉയര്‍ന്ന ശമ്പളത്തില്‍ തൊഴില്‍ രഹിതരായ ചെറുപ്പക്കാരെ കംബോഡിയ കേന്ദ്രമാക്കി പ്രവത്തിക്കുന്ന തട്ടിപ്പ് കേന്ദ്രങ്ങിലേക്ക് റിക്രൂട്ട് ചെയ്യുന്നതായും അന്വേഷണത്തില്‍ തെളിഞ്ഞിട്ടുണ്ട്.

Four individuals have been arrested by Pathanamthitta Crime Branch in connection with a major cyber fraud involving approximately ₹5 crore. The suspects deceived victims by promising high returns on stock market investments.