നാഗ്പൂര്‍: ലോക്‌സഭ തെരഞ്ഞെടുപ്പിന് മുമ്പ് ഇന്‍ഡ്യ സഖ്യത്തിലെ മുതിര്‍ന്ന നേതാവ് പ്രധാനമന്ത്രി പദം വാഗ്ദാനം ചെയ്‌തെന്ന് കേന്ദ്ര മന്ത്രി നിതിന്‍ ഗഡ്കരി. എന്നാല്‍ തനിക്ക് ആ സ്ഥാഹത്തോട് മോഹമില്ലാത്തതിനാല്‍ വാഗ്ദാനം നിരസിച്ചു. നാഗ്പൂരില്‍ മുതിര്‍ന്ന മാധ്യമപ്രവര്‍ത്തകര്‍ ഉള്‍പെടെ പങ്കെടുത്ത ചടങ്ങിലാണ് ഗഡ്കരിയുടെ വെളിപെടുത്തല്‍. ഒരു പദവിക്കും വേണ്ടി തന്റെ ആദര്‍ശങ്ങളില്‍ ഒരിക്കലും വിട്ടുവീഴ്ച ചെയ്യില്ലെന്നും ഗഡ്കരി വ്യക്തമാക്കി.

'ഒരു സംഭവം ഞാന്‍ ഓര്‍ക്കുകയാണ്. ആരുടേയും പേര് വെളഇപെടുത്തുന്നില്ല. നിങ്ങള്‍ പ്രധാനമന്ത്രിയാവുമെങ്കില്‍ നിങ്ങളെ ഞങ്ങള്‍ പിന്തുണക്കും' ഒരു പ്രതിപക്ഷ നേതാവ് തന്നെ സമീപിച്ച് പറഞ്ഞു. 

'പ്രധാനമന്ത്രിയാവുക എന്നത് എന്റെ ജീവിത ലക്ഷ്യമല്ല. അതിനാല്‍ എന്തിന് ഞാന്‍ നിങ്ങളുടെ പിന്തുണ സ്വീകരിക്കണമെന്ന് ഞാന്‍ പ്രതിപക്ഷ സഖ്യത്തിലെ ആ നേതാവിനോട് ചോദിച്ചു. ഒരു ആശയവും ചിന്താരീതിയും പിന്തുടരുന്ന വ്യക്തിയാണ് ഞാന്‍. സ്വപ്നം പോലും കാണാത്തതെല്ലാം പാര്‍ട്ടി തന്നു. ഒരു വാഗ്ദാനത്തിലും ഞാന്‍ വീഴില്ല.''-എന്നാണ് മറുപടി നല്‍കിയതെന്നും ഗഡ്കരി പറഞ്ഞു.

അതേസമയം, പ്രതിപക്ഷ സഖ്യത്തിലെ ഏത് നേതാവ് വാഗ്ദാനം നല്‍കിയതെന്ന് ഗഡ്കരി തുറന്നുപറഞ്ഞില്ല.