തിരുവനന്തപുരം: കെ.എസ്.ആര്‍.ടി.സി സ്വിഫ്റ്റിന്റെ 10 സൂപ്പര്‍ ഫാസ്റ്റ് പ്രീമിയം ബസുകള്‍ പുറത്തിറക്കി. എയര്‍ കണ്ടീഷനും സൗജന്യ വൈഫൈയും ഉള്‍പ്പെടെ 40 പുഷ്ബാക്ക് സീറ്റുകളോട് കൂടിയ സ്മാര്‍ട്ട് ബസ് മുഖ്യമന്ത്രി പിണറായി വിജയന്‍ ഫ്‌ലാഗ് ഓഫ് ചെയ്തു. ഗതാഗത വകുപ്പ് മന്ത്രി കെ.ബി ഗണേഷ് കുമാര്‍  അധ്യക്ഷത വഹിച്ചു.

സി.സി.ടി.വി ക്യാമറ, മ്യൂസിക് സിസ്റ്റം, സൗജന്യ വൈഫൈ തുടങ്ങിയ സംവിധാനങ്ങളും, കൂടാതെ സുരക്ഷക്കായി ഡ്രൈവര്‍ മോണിറ്ററിങ് സംവിധാനവും ബസില്‍ ഒരുക്കിയിട്ടുണ്ട്.

ഡ്രൈവര്‍ ഉറങ്ങുകയോ മൊബൈല്‍ ഫോണ്‍ ഉപയോഗിക്കുകയോ ചെയ്താല്‍ അലര്‍ട്ട് ചെയ്യാനുള്ള സംവിധാനവും ബസില്‍ ഒരുക്കിയിട്ടുണ്ട്. ഇതിന്റെ സന്ദേശം കെ.എസ്.ആര്‍.ടി.സിയുടെ പ്രധാന ഓഫീസിലേക്ക് നല്‍കും. റോഡപകടം കുറക്കാന്‍ ഇത് വഴി സഹായിക്കുമെന്നാണ് കണക്ക്കൂട്ടുന്നത്.

Kerala Chief Minister Pinarayi Vijayan launched 10 super-fast KSRTC buses under the KSRTC Swift brand, enhancing the state's transportation infrastructure and providing faster travel options for commuters.