ദുബൈ: ദുബൈയിലെ ജനറൽ ഡയരക്ടറേറ്റ് ഓഫ് റെസിഡൻസി ആൻഡ് ഫോറീനേഴ്സ് അഫയേഴ്സ് (ജി.ഡി.ആർ. എഫ്.എ) തങ്ങളുടെ സേവനങ്ങളിൽ ആർട്ടിഫിഷ്യൽ ഇന്റലിജൻസ് (എ.ഐ) സാങ്കേതിക വിദ്യയും ബിഗ് ഡാറ്റാ അനലൈറ്റിക്സ്ക്ട് ടെക്നോളജിയും സജീവമാക്കുന്നു. ദുബൈയിൽ നടന്നു വരുന്ന ജൈറ്റെക്സ് ഗ്ലോബലിലാണ് ഇതുസംബന്ധിച്ച പ്രഖ്യാപനം നടത്തിയത്. സമഗ്ര ഡിജിറ്റൽ പരിവർത്തനം പ്രോത്സാഹിപ്പിക്കുകയും നൂതന സേവനങ്ങൾ ഉപയോക്താക്കൾക്ക് വാഗ്ദാനം ചെയ്യുകയും ചെയ്യാനുള്ള ദുബൈയുടെ ശ്രമങ്ങളുടെ ഭാഗമായാണ് ഈ നീക്കം. 

ഈ നടപടിയിലൂടെ, ദുബൈ റെസിഡൻസിയെ സർക്കാർ സ്ഥാപനങ്ങളുടെ മുൻനിരയിൽ നിർത്താനും, പ്രവർത്തനക്ഷ മത മെച്ചപ്പെടുത്താനും ഉപയോ ക്താക്കളുടെ ജീവിത നിലവാരം ഉയർത്താനും ജി.ഡി.ആർ.എ ഫ്.എ ലക്ഷ്യമിടുന്നു.

 ഡിജിറ്റൽ ഭാവിയിലേക്ക് ദുബൈയുടെ മുന്നേറ്റം വേഗത്തിലാക്കാനും വ്യക്തിഗത സേവനങ്ങൾ മെച്ചപ്പെടുത്താനും എ.ഐ സാങ്കേതിക വിദ്യയും ഡാറ്റാ അനലൈറ്റിക്സും നിർണായകമാണ്. തത്സമയ ഡാറ്റാ വിശകലനം സാമൂഹികാവശങ്ങൾ പെട്ടെന്ന് തിരിച്ചറിയാനും അതിനനുസൃതമായി പരിഹാരങ്ങൾ വാഗ്ദാനം ചെയ്യാനും സഹായിക്കുമെന്ന് ജി.ഡി.ആർ.എഫ്.എ മേധാവി ലഫ്റ്റനന്റ് ജനറൽ മുഹമ്മദ് അഹദ് അൽ മർറി പറഞ്ഞു. 

ജി.ഡി.ആർ.എഫ്‌.എയുടെ സേവനങ്ങളിലെ ആധുനിക സാങ്കേതികത ഉപയോഗിച്ച് സർക്കാർ സേവനങ്ങളുടെ നിലവാരം പുനർനിർവചിക്കുന്നതിനാണ് തങ്ങളുടെ ശ്രമമെന്ന് അദ്ദേഹം കൂട്ടിച്ചേർത്തു. ദുബൈയിലെ സ്മാർട്ട് സേവനങ്ങൾ കൂടുതൽ എളുപ്പവും കാര്യക്ഷമവു മായ രീതിയിൽ ഉപയോക്താക്കൾക്ക് ഈ നടപടിയിലൂടെ ലഭ്യമാകുമെന്ന് ലഫ്റ്റനന്റ് കേണൽ ഖാലിദ് ബിൻ മദിയ അൽ ഫലാസി പറഞ്ഞു. എ.ഐയുടെ സഹായത്തോടെ ഡാറ്റാ അനലൈറ്റിക്സിന് കൂടുതൽ ശക്തി നൽകുന്നത് ഭാവി സേവനങ്ങളുടെയും ഇടപാടുകളുടെയും വളർച്ച മുൻകൂട്ടി പ്രവചിക്കാനും വിഭവങ്ങൾ കൂടുതൽ കാര്യക്ഷമമായി വിനിയോഗിക്കാനും സഹായിക്കുമെന്നും അദ്ദേഹം കൂട്ടിച്ചേർത്തു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക