കൊച്ചി: റെക്കോഡിലെത്തിയതിന് പിന്നാലെ സംസ്ഥാനത്ത് സ്വര്‍ണവിലയില്‍ ഇന്ന് കുറവ്. ഗ്രാമിന് 55 രൂപയുടെ കുറവാണ് ഉണ്ടായത്. ഒരു ഗ്രാം സ്വര്‍ണത്തിന്റെ വില 7285 രൂപയായി കുറഞ്ഞു. പവന്റെ വിലയില്‍ 440 രൂപയുടെ കുറവുണ്ടായി. 58,280 രൂപയായാണ് പവന്റെ വില കുറഞ്ഞത്.

യു.എസ് ട്രഷറി വരുമാനം ഉയര്‍ന്നതാണ് സ്വര്‍ണവില ഉയരുന്നതിനുള്ള പ്രധാനകാരണങ്ങളിലൊന്ന്. യു.എസ് തെരഞ്ഞെടുപ്പിന് മുന്നോടിയായി സ്വര്‍ണത്തിലെ നിക്ഷേപം വര്‍ധിക്കുമെന്നും ഇത് വില വര്‍ധനവിന് ഇടയാക്കുമെന്ന വിലയിരുത്തലുകള്‍ക്കിടെയാണ് സ്വര്‍ണത്തിന് ഇടിവുണ്ടായിരിക്കുന്നത്.

അതേസമയം, ഇന്ത്യയില്‍ ദീപാവലി ആഘോഷത്തിന് മുന്നോടിയായി സ്വര്‍ണത്തിന്റെ വില ഉയരുമെന്ന് റിപ്പോര്‍ട്ടുകളുണ്ട്. ആഘോഷകാലത്ത് സ്വര്‍ണത്തിന്റെ ഡിമാന്‍ഡ് വര്‍ധിക്കുന്നത് വില വര്‍ധനക്ക് ഇടയാക്കുമെന്നാണ് റിപ്പോര്‍ട്ട്.