ന്യൂഡല്‍ഹി: തെരഞ്ഞെടുപ്പിന് ദിവസങ്ങള്‍ ബാക്കി നില്‍ക്കേ മഹാരാഷ്ട്രയിലും ജാര്‍ഖണ്ഡിലും പ്രചാരണം പൊടിപൊടിക്കാന്‍ ഇന്‍ഡ്യ സഖ്യം. സഖ്യ സ്ഥാനാര്‍ഥികള്‍ക്കായി മഹാരാഷ്ട്ര, ജാര്‍ഖണ്ഡ് എന്നീ സംസ്ഥാനങ്ങളില്‍ പ്രചാരണം നടത്താന് ആം ആദ്മി പാര്‍ട്ടി കണ്‍വീനര്‍ അരവിന്ദ് കെജ്‌രിവാളുമെത്തുന്നു. മഹാരാഷ്ട്രയില്‍ ശിവസേന(ഉദ്ധവ്), എന്‍.സി.പി(ശരദ് പവാര്‍) പാര്‍ട്ടികള്‍ നിയമസഭാ തെരഞ്ഞെടുപ്പ് പ്രചാരണത്തിനായി കെജ്‌രിവാളിനെ സമീപിച്ചിരുന്നു. 

തുടര്‍ന്നാണ് പ്രചാരണത്തിനിറങ്ങാനുള്ള തീരുമാനം ആം ആദ്മി പാര്‍ട്ടി എടുത്തത്. പാര്‍ട്ടിക്ക് സ്വീധീനമുള്ള മണ്ഡലങ്ങള്‍ കേന്ദ്രീകരിച്ച് പ്രചാരണം നടത്താനാണ് തീരുമാനം. കെജ്‌രിവാളിനെ കൂടാതെ മുതിര്‍ന്ന നേതാക്കളും പ്രചാരണത്തിനെത്തും.