കണ്ണൂര്‍: മുന്‍ എ.ഡി.എം നവീന്‍ ബാബുവിന്റെ ആത്മഹത്യയുമായി ബന്ധപ്പെട്ട് ജില്ലാ കലക്ടര്‍ അരുണ്‍ കെ. വിജയനെ രൂക്ഷമായി വിമര്‍ശിച്ച് കെ.പി.സി.സി അധ്യക്ഷന്‍ കെ. സുധാകരന്‍ എം.പി. പി.പി ദിവ്യയെ സഹായിക്കാനാണ് കലക്ടര്‍ രംഗത്തിറങ്ങിയിരിക്കുന്നത്. തെറ്റുപറ്റിയെന്ന് എ.ഡി.എം പറഞ്ഞുവെന്ന മൊഴി അതിനു വേണ്ടിയാണ്. പച്ചക്കള്ളമാണ് കലക്ടര്‍ പറഞ്ഞത്. 

കണ്ണൂരിലെ ജനങ്ങളുടെ മനസില്‍ കുറ്റപത്രം ചാര്‍ത്തപ്പെട്ടയാളായി കലക്ടര്‍ മാറി. ഭരണഘടനയ്ക്കും സാമൂഹ്യ നീതിക്കും ഒപ്പം നില്‍ക്കേണ്ട വ്യക്തിയാണ് കലക്ടര്‍. തെറ്റ് തിരുത്താന്‍ കലക്ടര്‍ തയാറാകണം. അല്ലെങ്കില്‍ ദിവ്യയുടെ സ്ഥാനത്ത് ജനം കലക്ടറേയും വിലയിരുത്തും. മുഖ്യമന്ത്രി പിണറായി വിജയന്‍, സി.പി.എം സംസ്ഥാന സെക്രട്ടറി എം.വി ഗോവിന്ദന്‍, പി. ശശിയുള്‍പ്പെടെയുള്ളവര്‍ ദിവ്യയെ സംരക്ഷിക്കുകയാണ്. നവീന്‍ ബാബുവിന്റെ കുടുംബത്തിന് നീതി കിട്ടാന്‍ കോണ്‍ഗ്രസ് ഏതറ്റം വരെ പോകുമെന്ന് സുധാകരന്‍ മുന്നറിയിപ്പ് നല്‍കി.