ആരോഗ്യകരവും സജീവവുമായ ഒരു ജീവിതശൈലി പ്രോത്സാഹിപ്പിക്കുന്നതിനായി അബൂദബി ആസ്ഥാനമായുള്ള ഇൻവെസ്റ്റ്‌മെൻ്റ് ആൻഡ് ഹോൾഡിംഗ് കമ്പനിയായ ADQ, നാഷണൽ ബാസ്‌ക്കറ്റ്‌ബോൾ അസോസിയേഷനുമായി (NBA) സഹകരിച്ച് അബൂദബിയിലെ നിരവധി പൊതു ബാസ്‌ക്കറ്റ്‌ബോൾ കോർട്ടുകൾ നവീകരിക്കാൻ ലക്ഷ്യമിടുന്ന ഒരു സംരംഭം പ്രഖ്യാപിച്ചു.

സജീവമായ ജീവിതശൈലിയുടെ പ്രാധാന്യം പ്രോത്സാഹിപ്പിക്കുന്നതിനുള്ള തങ്ങളുടെ പ്രതിജ്ഞാബദ്ധതയുടെ ഭാഗമാണ് അബൂദബിയിൽ ഉടനീളമുള്ള ബാസ്‌ക്കറ്റ്‌ബോൾ കോർട്ടുകളുടെ ആസൂത്രിത നവീകരണം എന്ന് ADQ-ലെ ഗ്രൂപ്പ് ചീഫ് ഓപ്പറേറ്റിംഗ് ഓഫീസർ അനസ് ജവ്ദത്ത് അൽബർഗുത്തി പറഞ്ഞു.

"ഈ നവീകരിച്ച സൗകര്യങ്ങൾ ജൂനിയർ NBA ക്ലിനിക്കുകൾക്കും, മറ്റ് യൂത്ത് ബാസ്‌ക്കറ്റ്‌ബോൾ പ്രോഗ്രാമുകൾക്കും,  കൂടാതെ ആറ് മുതൽ പതിനാറ് വരെ പ്രായമുള്ള കായിക താരങ്ങളുടെ കഴിവുകൾ വളർത്തിയെടുക്കുന്നതിനുള്ള പരിശീലന കേന്ദ്രങ്ങളായും പ്രവർത്തിക്കും. അതേസമയം, നവീകരിച്ച വേദികളിൽ 'NBA 3X' 3-ഓൺ-3 ടൂർണമെൻ്റുകൾ എന്നിവ സംഘടിപ്പിക്കും. ഈ മേഖലയുടെ വളർച്ചക്ക് നിർണായകമായ ഒരു പ്ലാറ്റ്ഫോമായി മാറും," അൽബർഗുത്തി പറഞ്ഞു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Abu Dhabi's public basketball courts are set for a major upgrade, thanks to a collaboration between ADQ and the National Basketball Association (NBA), promoting community sports and basketball growth.