സംസ്ഥാന സ്‌കൂള്‍ കായികമേളയിലെ പോയിന്റ് വിവാദത്തില്‍ പരാതി നല്‍കി സ്‌കൂള്‍ അധികൃതര്‍. നവമുകുന്ദാ, മാര്‍ ബേസില്‍ സ്‌കൂള്‍ അധികൃതരാണ് പൊതുവിദ്യാഭ്യാസ ഡയറക്ടര്‍ക്ക് പരാതി നല്‍കിയത്. 

കായികമേളയുടെ ഔദ്യോഗിക സൈറ്റില്‍ 80 പോയിന്റുകളുമായി ഒന്നാം സ്ഥാനം ഐഡിയല്‍ ഇ.എച്ച്.എസ്.എസ് കടകശ്ശേരിക്കും, രണ്ടാം സ്ഥാനം 44 പോയിന്റുകളോടെ നാവമുകുന്ദ എച്ച്.എസ്.എസ് തിരുനാവായ്ക്കും, മൂന്നാം സ്ഥാനം മാര്‍ ബേസില്‍ എച്ച്.എസ്.എസ് കോതമംഗലത്തിനുമായിരുന്നു. എന്നാല്‍ 55 പോയിന്റുകളുള്ള സ്‌പോര്‍ട്‌സ് ഹോസ്റ്റല്‍ വിഭാഗത്തില്‍പ്പെടുന്ന ജിവി രാജ സ്‌പോര്‍ട്‌സ് സ്‌കൂളിന് രണ്ടാം സ്ഥാനം നല്‍കിയതാണ് പ്രതിഷേധത്തിന് ഇടയാക്കിയത്. 

ഇതോടെ രണ്ടാം സ്ഥാനത്തുണ്ടായിരുന്ന നാവമുകുന്ദ എച്ച്.എസ്.എസ് തിരുനാവായ മൂന്നാം സ്ഥാനത്തേക്കും, മാര്‍ ബേസില്‍ എച്ച്.എസ്.എസ് കോതമംഗലം നാലാം സ്ഥാനത്തേക്കും പിന്തള്ളപ്പെടുകായിരുന്നു. 

യാതൊരറിയിപ്പുമില്ലാതെ സ്‌പോര്‍ട്‌സ് സ്‌കൂളിനെ മികച്ച സ്‌കൂളുകളുടെ പട്ടികയില്‍പ്പെടുത്തകയും രണ്ടാം സ്ഥാനത്തിന്റെ പുരസ്‌കാരം നല്‍കുകയും ചെയ്തതിന് പിന്നാലെ മൂന്നും, നാലും സ്ഥാനത്തേക്ക് തള്ളപ്പെട്ട സ്‌കൂളുകളിലെ വിദ്യാര്‍ഥികള്‍ പ്രതിഷേധത്തിലേക്ക് കടന്നത്. 

അതേസമയം പരാതിയുമായി എത്തിയ സ്‌കൂള്‍ അധികൃതരോട് പ്രതിഷേധിച്ചത് ശരിയായില്ലെന്ന നിലപാടാണ് പൊതുവിദ്യാഭ്യാസ ഡയറക്ടര്‍ ജീവന്‍ ബാബു അറിയിച്ചത്.  

The school authorities filed a complaint with the Director of Public Education on sports meet point controversy