കല്‍പ്പറ്റ: വയനാട്ടില്‍ പനിയും ഛര്‍ദ്ദിയും കലശലായതിനു പിന്നാലെ എല്‍പി സ്‌കൂള്‍ വിദ്യാര്‍ഥികള്‍ ആശുപത്രിയില്‍. ഇരുപതോളം കുട്ടികളെയാണ് ആശുപത്രിയില്‍ പ്രവേശിപ്പിച്ചത്. ഇതില്‍ രണ്ട് കുട്ടികളുടെ നില ഗുരുതരമാണ്. ഭക്ഷ്യവിഷബാധയെന്നാണ് സംശയം. 

ഡബ്ല്യൂഎംഒ മുട്ടില്‍ എല്‍പി സ്‌കൂളിലെ വിദ്യാര്‍ത്ഥികള്‍ക്കാണ് ഭക്ഷ്യ വിഷബാധയേറ്റത്. സ്‌കൂളില്‍നിന്ന് കഴിച്ച ഭക്ഷണത്തില്‍ നിന്നാണ് ഭക്ഷ്യവിഷബാധയേറ്റതെന്നാണ് സംശയം. വിദ്യാര്‍ത്ഥികളെ കൈനാട്ടി താലൂക്ക് ആശുപത്രിയില്‍ പ്രവേശിപ്പിച്ചു. ഭക്ഷ്യസുരക്ഷാവിഭാഗം സ്‌കൂളില്‍ പരിശോധന നടത്തി സാംപിളുകള്‍ ശേഖരിച്ചിട്ടുണ്ട്.