വ്യക്തികള്‍ തങ്ങളുടെ ഹെല്‍ത്ത് റെക്കോര്‍ഡുകള്‍ അശ്രദ്ധയോടും അലക്ഷ്യമായും ഓണ്‍ലൈനില്‍ പങ്ക് വെക്കുന്നത് ഒഴിവാക്കണമെന്ന് ദുബൈ ഹെല്‍ത്ത് അതോറിറ്റി (DHA) അറിയിച്ചു.

Safeguard your privacy and security! Protect your health records from cybercrime. Stay informed, stay safe!#YourDataIsValuable #HealthHappinessProsperity pic.twitter.com/fluAMzasTR

— هيئة الصحة بدبي (@DHA_Dubai) November 12, 2024

വ്യക്തികളുടെ ആരോഗ്യ വിവരങ്ങള്‍ സൈബര്‍ കുറ്റകൃത്യങ്ങള്‍ക്കായി ദുരുപയോഗം ചെയ്യപ്പെടാന്‍ സാധ്യതയുള്ളതിനാലാണ് ഓണ്‍ലൈനില്‍ ഇവ പങ്ക് വെക്കുന്നതിന് ജാഗ്രത പുലര്‍ത്തണമെന്ന് എമിറേറ്റിലെ നിവാസികളോട് DHA ആവശ്യപ്പെട്ടത്. പൊതു വൈഫൈ നെറ്റ്‌വര്‍ക്കുകള്‍ ഉപയോഗിച്ച് ഓണ്‍ലൈനില്‍ ആരോഗ്യ വിവരങ്ങള്‍ നല്‍കുരുതെന്ന് ചൂണ്ടിക്കാട്ടിയ DHA, ഓണ്‍ലൈന്‍ ഹെല്‍ത്ത് റെക്കോര്‍ഡുകളും, മെഡിക്കല്‍ വിവരങ്ങളും പങ്ക് വെക്കുന്ന സാഹചര്യങ്ങളില്‍ പുലര്‍ത്താവുന്ന സുരക്ഷാ നിര്‍ദ്ദേശങ്ങള്‍ സംബന്ധിച്ചും അറിയിപ്പ് നല്‍കിയിട്ടുണ്ട്.

നിർദേശങ്ങൾ 

ഹെൽത്ത് റെക്കോർഡുകളുമായി ബന്ധപ്പെട്ട അക്കൗണ്ടുകൾ ശക്തമായ പാസ്സ്‌വേർഡുകൾ ഉപയോഗിച്ച് സുരക്ഷിതമാക്കുക. വിവിധ സൈറ്റുകളിൽ ഒരേ പാസ്‌വേഡ് ഉപയോഗിക്കാതിരിക്കുക.

അധിക സുരക്ഷ എന്ന രീതിയിൽ ടു ഫാക്ടർ ഓതെന്റിക്കേഷൻ (2FA) ഉപയോ​ഗിക്കുക.

വിശ്വാസയോഗ്യമല്ലാത്ത വെബ്സൈറ്റുകളിലും മറ്റും ആരോഗ്യ വിവരങ്ങൾ പങ്ക് വെക്കാതിരിക്കുക.

നിങ്ങളുടെ ഹെൽത്ത് അക്കൗണ്ടുകളിൽ സംശയകരമായ ലോഗിൻ, അനധികൃതമായ ഉപയോഗം എന്നിവ നടക്കുന്നില്ലെന്ന് ഉറപ്പാക്കാൻ, അക്കൗണ്ടുകൾ പതിവായി പരിശോധിക്കുക.

മെഡിക്കൽ വിവരങ്ങൾ, സ്വകാര്യ വിവരങ്ങൾ എന്നിവ ആവശ്യപ്പെട്ട് വരുന്ന ഇമെയിൽ, എസ് എം എസ് എന്നിവക്ക് മറുപടി നൽകുന്നതിന് മുൻപ് അവയുടെ അധികാരികത ഉറപ്പ് വരുത്തുക.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Dubai Health Authority emphasizes the importance of keeping personal health information confidential. Refrain from sharing medical records or test results online to prevent potential risks.