തിരുവനന്തപുരം:എസ്.കെ.എസ്.എസ്.എഫ് തിരുവനന്തപുരം ജില്ലാ കമ്മിറ്റി യോഗം ചേര്‍ന്നു. വിഴിഞ്ഞം സഈദ് മുസ്‌ലിയാര്‍ ഉദ്ഘാടനം ചെയ്തു.ജില്ലാ പ്രസിഡന്റ് അബ്ദുല്ല മഹ്‌ളരി അധ്യക്ഷനായി.
ജില്ലാ സെക്രട്ടറി ഹസീം മുഹമ്മദ് സ്വാഗതം പറഞ്ഞു. ജില്ല വിഖായ ട്രെയിനിങ് ക്യാംപ് 24നു നടത്താന്‍ യോഗം തീരുമാനിച്ചു.എസ്.കെ.എസ്.എസ്.എഫ് സംസ്ഥാന കമ്മിറ്റി നടപ്പിലാക്കുന്ന കോസ്റ്റല്‍ കെയര്‍ പദ്ധതിയിലേക്ക് ബീമാപള്ളി പ്രദേശത്തെ തിരഞ്ഞെടുത്തു.
സെപ്റ്റംബര്‍ 15നു തൊടുപുഴയില്‍ നടക്കുന്ന ദക്ഷിണമേഖലാ സമ്മേളനത്തില്‍ ജില്ലയില്‍ നിന്നു അന്‍പത് പ്രതിനിധികളെ പങ്കെടുപ്പിക്കാനും തീരുമാനമായി.
അഷ്‌റഫ് ബീമാപള്ളി, മുജീബ് മുസ്‌ലിയാര്‍, ചാന്നാങ്കര നസീര്‍ മുസ്‌ലിയാര്‍ സംസാരിച്ചു. ട്രഷറര്‍ സാജുദ്ദീന്‍ ചിറക്കല്‍ നന്ദി പറഞ്ഞു.