നെയ്യാറ്റിന്‍കര: കുടിശിക ഒടുക്കാത്തതിനെ തുടര്‍ന്ന് നെയ്യാറ്റിന്‍കര ജനറല്‍ ആശുപത്രിയിലെ വൈദ്യുതി ബന്ധം ഇന്നലെ കെ.എസ്.ഇ.ബി വിഛേദിച്ചു.
യാതൊരു മുന്നറിയിപ്പുമില്ലാതെ വൈദ്യുതി ബന്ധം വേര്‍പെടുത്തിയത് ആശുപത്രി പ്രവര്‍ത്തനത്തെ സാരമായി ബാധിച്ചു. ഓപ്പറേഷന്‍ തിയേറ്റര്‍, കംപ്യൂട്ടര്‍ റും എന്നിവയുടെ പ്രവര്‍ത്തനം തടസപെട്ടു. മൊത്തം 25 ലക്ഷം രൂപയാണ് ആശുപത്രി അധികൃതര്‍ കെ.എസ്.ഇ.ബിയില്‍ ഒടുക്കാനുളളത്. ഇതില്‍ 10 ലക്ഷം രൂപ കഴിഞ്ഞമാസം അടച്ചു.ശേഷിക്കുന്ന 15 ലക്ഷം രൂപ ആരോഗ്യവകുപ്പ് അനുവദിച്ചിരുന്നില്ല. ഇതാണ് വൈദ്യുതി വിച്ഛേദിക്കുന്നതിലേക്ക് നയിച്ചത്.ആശുപത്രി അധികൃതരും കെ.എസ്.ഇ.ബിയും ഏറെ നാളായി ശീതസമരത്തിലാണെന്നും നാട്ടുകാര്‍ക്കിടയില്‍ ആക്ഷേപമുണ്ട്.