കണ്ണൂര്‍: കണ്ണൂര്‍ റെയില്‍വേ സ്‌റ്റേഷനില്‍ 15 പേരെ കടിച്ച തെരുവ് നായക്ക് പേവിഷബാധയെന്ന് സംശയം. ഈ നായ മറ്റു നായകളെ കടിച്ചോ എന്നതുള്‍പ്പെടെ പരിശോധിക്കുമെന്ന് ഡിഎംഒ അറിയിച്ചു. റെയില്‍വേ സ്‌റ്റേഷന്‍ പരിസരത്തെ നായകളെ നിരീക്ഷിക്കാനും നിര്‍ദേശമുണ്ട്. 

റെയില്‍വേ സ്റ്റേഷനില്‍ പ്ലാറ്റ്‌ഫോമിലും ടിക്കറ്റ് കൗണ്ടറിന് സമീപവുമാണ് നായയുടെ ആക്രമണമുണ്ടായത്. പരിക്കേറ്റ 12 പേരെ കണ്ണൂര്‍ ജില്ല ആശുപത്രിയിലും മൂന്നുപേരെ സ്വകാര്യ ആശുപത്രിയിലും പ്രവേശിപ്പിച്ചിരുന്നു. തെരുവുനായ ശല്യത്തെക്കുറിച്ച് കോര്‍പ്പറേഷന് പരാതി നല്‍കിയിരുന്നുവെങ്കിലും നടപടിയുണ്ടായില്ലെന്നായിരുന്നു റെയില്‍വേ പൊലിസിന്റെ ആരോപണം. 

Street dog attack at Kannur railway station Suspected rabies