തലശ്ശേരി: കിസാന്‍സഭ ജില്ലാ സമ്മേളനം നാലിനും അഞ്ചിനും തലശ്ശേരിയില്‍ നടക്കും. കര്‍ഷകരും കാര്‍ഷിക മേഖലയും അഭിമുഖീകരിക്കുന്ന വിവിധ വിഷയങ്ങള്‍ സമ്മേളനം ചര്‍ച്ച ചെയ്യും. നാലിനു രാവിലെ 10ന് ഗവ. ഗേള്‍സ് ഹയര്‍സെക്കന്‍ഡറി സ്‌കൂളില്‍ നടക്കുന്ന പ്രതിനിധി സമ്മേളനം കിസാന്‍ സഭ സംസ്ഥാന പ്രസിഡന്റ് വി. ചാമുണ്ണി ഉദ്ഘാടനം ചെയ്യും. ആദ്യകാല കര്‍ഷക നേതാക്കളെയും കര്‍ഷക അവാര്‍ഡ് ജേതാക്കളെയും സി.പി.ഐ ദേശീയ കൗണ്‍സില്‍ അംഗം സി.എന്‍ ചന്ദ്രന്‍ ആദരി ക്കും. അഞ്ചിനു വൈകുന്നേരം അഞ്ചിന് പുതിയ ബസ്സ്റ്റാന്റ് പരിസരത്ത് പൊതു സമ്മേളനം സംസ്ഥാന സെക്രട്ടറി സത്യന്‍ മൊകേരി ഉദ്ഘാടനം ചെയ്യുമെന്ന് എ പ്രദീപന്‍, പ്രദീപ് പുതുക്കുടി, കെ നാണു പൊന്ന്യം കൃഷ്ണന്‍ എന്നിവര്‍ അറിയിച്ചു.