ന്യൂ സൗത്ത് വെയിൽസ്: ന്യൂ സൗത്ത് വെയിൽസിലെ ഹണ്ടർ മേഖലയിൽ 98 കംഗാരുക്കളെ ചത്ത നിലയിൽ കണ്ടെത്തി. വെടിയേറ്റാണ് കം​ഗാരുക്കൾ ചത്തതെന്ന് അന്വേഷണത്തിൽ തെളിഞ്ഞു. സംഭവവുമായി ബന്ധപ്പെട്ട് 43കാരനെ അറസ്റ്റ് ചെയ്തതായി ന്യൂ സൗത്ത് വെയിൽസ് പൊലീസ് റിപ്പോർട്ട് പുറത്തുവിട്ടു. പ്രതിയ്ക്കെതിരെ മൃ​ഗങ്ങൾക്കെതിരായ ക്രൂരതയും ആയുധക്കുറ്റവും ഉൾപ്പെടെ നിരവധി വകുപ്പുകൾ ചുമത്തി കേസ് എടുത്തിട്ടുണ്ട്. 

ഒക്ടോബർ 8നാണ് കേസിനാസ്പദമായ സംഭവമുണ്ടായതെന്നന്ന് ന്യൂ സൗത്ത് വെയിൽസ് പൊലീസ് അറിയിച്ചു. പ്രതിയെ ഡിസംബർ 20 ന് വില്യംടണിൽ നിന്നാണ് പൊലീസ്  പിടികൂടിയത്. ഇവിടെ നിന്ന് നിരവധി തോക്കുകളും വെടിയുണ്ടകളും മറ്റും പിടിച്ചെടുത്തിട്ടുണ്ട്. പ്രതിയ്ക്ക് എതിരെ ആറ് കുറ്റങ്ങളാണ് ചുമത്തികേസേടുത്തിരിക്കുന്നത്. മൃ​ഗങ്ങളോടുള്ള ക്രൂരത, ആയുധങ്ങളുടെ ഉപയോ​ഗവുമായി ബന്ധപ്പെട്ട സുപ്രധാന വകുപ്പുകൾ എന്നിവ ഇവയിൽ ഉൾപ്പെട്ടിട്ടുണ്ടെന്നാണ് റിപ്പോർട്ട്. പ്രതിയെ ജനുവരി 13ന് റെയ്മണ്ട് ടെറസ് ലോക്കൽ കോടതിയിൽ ഹാജരാക്കും.