കൊച്ചി: പുതുവത്സര മദ്യവില്‍പ്പനയില്‍ സംസ്ഥാനത്ത് റെക്കോര്‍ഡ് വര്‍ധനവ്. പുതുവത്സര തലേന്ന് മാത്രം മാത്രം 108 കോടിയുടെ മദ്യമാണ് വിറ്റത്. കഴിഞ്ഞ വര്‍ഷം 95.69 കോടിയുടെ മദ്യമായിരുന്നു വിറ്റത്. ബെവ്കോ ഔട്ട്ലെറ്റുകള്‍ വഴി വിറ്റത് 96. 42 കോടിയുടെ മദ്യമാണ്. ഏറ്റവും കൂടുതല്‍ മദ്യം വിറ്റത് പാലാരിവട്ടം ഔട്ട്‌ലെറ്റിലാണ്. രണ്ടാമത് തിരുവനന്തപുരം പവര്‍ഹൗസ് ഔട്ട്ലെറ്റ്. 

ഈ വര്‍ഷം ക്രിസ്മസ് പുതുവത്സര സീസണില്‍ 712.96 കോടിയുടെ മദ്യമാണ് വിറ്റത്.  കഴിഞ്ഞ വര്‍ഷം ഇത് 697.05 കോടിയായിരുന്നു. 

ക്രിസ്മസ് ദിനത്തിലും തലേദിവസുമായി കേരളത്തിലെ ബെവ്റജസ് ഔട്ട്ലെറ്റുകളില്‍ കൂടെ ആകെ 152.06 കോടിയുടെ മദ്യമാണ് വിറ്റഴിച്ചത്. കഴിഞ്ഞ വര്‍ഷം ഇതേ തീയതികളിലായി 122.14 കോടി രൂപയുടെ വില്‍പ്പന നടന്നു.