കൊച്ചി:'രാത്രിസേവനം മറ്റ് ആശുപത്രികളിലേത് പോലെയാക്കണം' എന്നാവശ്യപ്പെട്ടുകൊണ്ട് കളമശേരി മെഡിക്കൽ കോളേജിലെ ഒരു വിഭാഗം നഴ്സുമാർ സമരത്തിലേക്ക്. മെഡിക്കൽ കോളജിൽ നിർബന്ധിത സേവനം ചെയ്യുന്ന വിദ്യാർത്ഥികളാണ് തിങ്കളാഴ്ച്ച മുതൽ സമരം പ്രഖ്യാപിച്ചിരിക്കുന്നത്. 

നിലവിൽ ഒൻപത് ദിവസത്തെ ഇടവേളയിലാണ് രാത്രി സേവനം ചെയ്യേണ്ടി വരുന്നത്. മറ്റ്  മെഡിക്കൽ കോളേജുകളിൽ ഇത് 12 ദിവസത്തെ ഇടവേളയിലാണ് നടക്കുന്നത്. ജീവനക്കാരുടെ കുറവാണ് ഇടവേള കുറയാൻ കാരണമെന്ന് മെഡിക്കൽ കോളേജ് ഈ വിഷയത്തെക്കുറിച്ച് വിശദീകരിക്കുന്നത്.