കോഴിക്കോട്: കോഴിക്കോട് താമരശ്ശേരി ഈങ്ങാപ്പുഴയിൽ കുടുംബവഴക്കിനെ തുടർന്ന് യുവാവ് ഭാര്യയെ വെട്ടിക്കൊലപ്പെടുത്തി, ഭാര്യാ മാതാപിതാക്കളെയും പ്രതി വെട്ടി ഗുരുതര പരിക്കേൽപ്പിച്ചു. ഈങ്ങാപ്പുഴ സ്വദേശി യാസിർ ആണ് ആക്രമണം നടത്തിയത്. മയക്കുമരുന്ന് ലഹരിയിലാണ് ഇയാൾ ഈ അതിക്രമം നടത്തിയതെന്ന് ബന്ധുക്കൾ ആരോപിക്കുന്നു.

വെട്ടേറ്റ ഷിബില ആശുപത്രിയിൽ വെച്ച് മരിച്ചു. അബ്ദുറഹ്മാനും ഭാര്യ ഹസീനയും (ഷിബിലയുടെ മാതാപിതാക്കൾ) ഇപ്പോഴും തീവ്രപരിചരണത്തിലാണ്. ഇതിന് മുൻപും ഷിബിലയെ യാസിര്‍ മര്‍ദിച്ചിരുന്നുവെന്ന പരാതിയുണ്ട്, യാസിറിനെതിരെ മുൻപ് നിരവധി പരാതികൾ നൽകിയിരുന്നുവെന്നും, പൊലീസ് കാര്യമായ നടപടികൾ എടുത്തിരുന്നില്ലെന്നുമാണ് കുടുംബം ആരോപിക്കുന്നത്.

A man in Kozhikode's Tamarassery hacked his wife to death following a family dispute and also attacked her parents, leaving them critically injured.