തൃശ്ശൂര്‍: ദേശീയപാതയില്‍ നിര്‍മാണം നടക്കുന്ന മുരിങ്ങൂരില്‍ അടിപ്പാത നിര്‍മാണത്തിനായി എടുത്തിരുന്ന കുഴിയില്‍ കാര്‍ മറിഞ്ഞു. അപകടത്തില്‍ യാത്രക്കാര്‍ അത്ഭുതകരമായി രക്ഷപ്പെട്ടു. തിരുവനന്തപുരം സ്വദേശി മനു, തൃശ്ശൂര്‍ സ്വദേശി വില്‍സണ്‍ എന്നിവരായിരുന്നു കാറില്‍ ഉണ്ടായിരുന്നത്. 

പുരിങ്ങോരില്‍ അടിപ്പാത നിര്‍മിക്കാനെടുത്ത കുഴിയിലാണ് ഇവരുടെ കാര്‍ വീണത്. തിരുവനന്തപുരത്ത് നിന്നു തൃശൂരിലേക്ക് പോവുകയായിരുന്നു കാര്‍. ചാറ്റല്‍ മഴയും ഉണ്ടായിരുന്നു. മുന്നിലുണ്ടായിരുന്ന വാഹനം പെട്ടന്ന് നിര്‍ത്തിയപ്പോള്‍ മനുവും കാര്‍ നിര്‍ത്തുകയായിരുന്നു. 

ഈ സമയത്ത് കാര്‍ റോഡില്‍ വച്ച് സ്‌കിഡ് ആയി കുഴിയിലേക്ക് മറിയുകയായിരുന്നു. പുലര്‍ച്ചെ അഞ്ചുമണിക്കാണ് അപകടമുണ്ടായത്. ഇരുവരും പരിക്കേല്‍ക്കാതെ അത്ഭുതകരമായ രക്ഷപ്പെടുകയും ചെയ്തു. സെക്കനന്റ് കാര്‍ ബിസിനസ് നടത്തുന്നയാളാണ് മനു. നാനോ കാര്‍ വാങ്ങി തൃശൂരിലേക്ക് കൊണ്ടുപോകുന്നതിടെയാണ് അപകടം ഉണ്ടായത്.