മാഞ്ചസ്റ്റർ: ഇന്ത്യ-ഇംഗ്ലണ്ട് നാലാം ടെസ്റ്റ് മത്സരം ജൂലൈ 23 മുതൽ 27 വരെയാണ് നടക്കുന്നത്. മാഞ്ചെസ്റ്ററിലാണ് നാലാം മത്സരം നടക്കുക. നിലവിൽ പരമ്പരയിൽ ഇംഗ്ലണ്ട് 2-1ന് മുന്നിലാണ്. ആദ്യ മത്സരത്തിൽ ഇംഗ്ലണ്ട് വിജയിച്ചപ്പോൾ രണ്ടാം മത്സരത്തിൽ ഇന്ത്യ വിജയിച്ചുകൊണ്ട് പരമ്പരയിൽ ഒപ്പം പിടിക്കുകയായിരുന്നു. മൂന്നാം മത്സരത്തിൽ ബെൻ സ്റ്റോക്‌സും സംഘവും വീണ്ടും വിജയിച്ചുകൊണ്ട് പരമ്പരയിൽ മുന്നിലെത്തുകയായിരുന്നു. പരമ്പര സ്വന്തമാക്കണമെങ്കിൽ ഇന്ത്യക്ക് ഇനിയുള്ള രണ്ട് മത്സരങ്ങളും വിജയിക്കുക തന്നെ വേണം. 

മാഞ്ചസ്റ്ററിൽ നടക്കുന്ന ഈ നിർണായക മത്സരത്തിൽ ഇന്ത്യൻ സ്റ്റാർ പേസർ ജസ്പ്രീത് ബുംറയെ കാത്തിരിക്കുന്നത് ഒരു ചരിത്ര നേട്ടമാണ്. ഇംഗ്ലണ്ടിനെതിരെ മൂന്ന് വിക്കറ്റുകൾ കൂടി നേടിയാൽ ടെസ്റ്റ് ക്രിക്കറ്റിൽ ഇംഗ്ലണ്ടിൽ ഏറ്റവും കൂടുതൽ വിക്കറ്റുകൾ നേടുന്ന ഇന്ത്യൻ താരമായി മാറാൻ ബുംറക്ക് സാധിക്കും.

നിലവിൽ ബുംറ ഇംഗ്ലണ്ടിനെതിരെ 49 വിക്കറ്റുകളാണ്‌ വീഴ്ത്തിയിട്ടുള്ളത്. ഇംഗ്ലണ്ടിൽ 51 വിക്കറ്റുകൾ സ്വന്തമാക്കിയ ഇഷാന്ത് ശർമയാണ് ഈ നേട്ടത്തിൽ ഒന്നാം സ്ഥാനത്തുള്ളത്. അതുകൊണ്ട് തന്നെ മൂന്ന് വിക്കറ്റ് കൂടി നേടിയാൽ ഇംഗ്ലണ്ടിന്റെ മണ്ണിൽ പുതിയ നേട്ടവും ബുംറക്ക് സ്വന്തമാക്കാൻ സാധിക്കും. 

ഉയർന്ന ജോലി ഭാരം കാരണം ബുംറ മുഴുവൻ ടെസ്റ്റ് മത്സരങ്ങളും ബുംറ കളിക്കില്ലെന്ന് ടീം മാനേജ്‌മന്റ് നേരത്തെ അറിയിച്ചിരുന്നു, ഇതിന്റെ ഭാഗമായി ബുംറക്ക് രണ്ടാം മത്സരത്തിൽ വിശ്രമം അനുവദിച്ചിരുന്നു. എന്നാൽ ഇനിയുള്ള നിർണായകമായ മത്സരങ്ങളിൽ ബുംറയെ പോലുള്ള ഒരു താരത്തിന് ടീം മാനേജ്‌മന്റ് വിശ്രമം അനുവദിക്കുമോയെന്ന് കണ്ടുതന്നെ അറിയണം. 

The fourth Test match between India and England will be played from July 23 to 27 The fourth match will be played in Manchester A historic achievement awaits Indian star pacer Jasprit Bumrah in this crucial match in Manchester If Bumrah takes three more wickets against England he can become the Indian player with the most wickets in England in Test cricket