കുന്നംകുളം: സമയ ക്രമത്തെ ചൊല്ലി സ്വകാര്യ ബസ് തൊഴിലാളികള്‍ തമ്മിലുണ്ടായ സംഘര്‍ഷത്തിലെ പ്രതിയായ ബസ് ക്ലീനറെ 15 വര്‍ഷങ്ങള്‍ക്ക് ശേഷം കുന്നംകുളം പൊലിസ് അറസ്റ്റ് ചെയ്തു. കോഴിക്കോട് ചക്കിത്തപാറ കല്ലായില്‍ വീട്ടില്‍ സന്തോഷ് (45) ആണ് പിടിയിലായത്. 2001 ലാണ് കേസിനാസ്പദമായ സംഭവം. തൃശൂര്‍ കോഴിക്കോട് റൂട്ടിലോടുന്ന റഫ ബസിലെ തൊഴിലാളിയായിരുന്നു ഇയാള്‍. സമയക്രമത്തെ ചൊല്ലിയുണ്ടായ തര്‍ക്കത്തെ തുടര്‍ന്ന് സ്റ്റാന്‍ഡില്‍ അടിപിടിയുണ്ടായ സംഭവത്തിലാണ് അന്ന് പൊലിസ് കേസെടുത്തിരുന്നത്.