ഭുവനേശ്വർ: ഒഡീഷയിലെ മാൽകൻഗിരി ജില്ലയിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗത്തിന് ഇരയാക്കിയ സംഭവത്തിൽ നാല് പേർ അറസ്റ്റിൽ. കഴിഞ്ഞ ദിവസം വൈകിട്ട്, സുഹൃത്തിന്റെ ജന്മദിനാഘോഷത്തിന് ശേഷം വീട്ടിലേക്ക് മടങ്ങുകയായിരുന്ന പെൺകുട്ടിയാണ് ക്രൂരമായ പീഡനത്തിന് ഇരയായത്.

മൂന്നംഗ സംഘം പെൺകുട്ടിയെ തട്ടിക്കൊണ്ടുപോയി, മാൽകൻഗിരി ടൗണിൽ നിന്ന് 15 കിലോമീറ്റർ അകലെയുള്ള വനമേഖലയിൽ വെച്ച് മാറിമാറി ബലാത്സംഗം ചെയ്തു. വനത്തിൽ നിന്ന് രക്ഷപ്പെട്ട് ടൗണിന് സമീപമെത്തിയ പെൺകുട്ടിയെ ഒരു ട്രക്ക് ഡ്രൈവർ വീണ്ടും പീഡിപ്പിക്കാൻ ശ്രമിച്ചു. പ്രദേശവാസികൾ ഇടപെട്ട് പെൺകുട്ടിയെ രക്ഷിക്കുകയും പൊലീസിനെ വിവരമറിയിക്കുകയും ചെയ്തു.

മാൽകൻഗിരി പൊലീസ് സൂപ്രണ്ട് വിനോദ് പാട്ടീൽ പറഞ്ഞതനുസരിച്ച്, ആദ്യ സംഭവത്തിൽ മൂന്ന് പേരും രണ്ടാമത്തെ പീഡനശ്രമത്തിൽ ട്രക്ക് ഡ്രൈവറും അറസ്റ്റിലായി.

ഒഡീഷയിൽ സമീപകാലത്ത് പീഡന സംഭവങ്ങൾ വർധിക്കുന്നതിന്റെ പശ്ചാത്തലത്തിലാണ് ഈ ഞെട്ടിക്കുന്ന സംഭവം. ബാലസോറിൽ ഒരു അധ്യാപകന്റെ പീഡനത്തെ തുടർന്ന് 20-കാരിയായ കോളേജ് വിദ്യാർഥിനി തീകൊളുത്തി ആത്മഹത്യ ചെയ്തിരുന്നു. അതേസമയം, ജാജ്പുർ ജില്ലയിൽ 15-കാരിയായ ഹോക്കി ട്രെയിനി താരത്തെ കോച്ചും രണ്ട് അനുയായികളും ചേർന്ന് പീഡിപ്പിച്ച സംഭവവും ഈ മാസം ആദ്യം പുറത്തുവന്നു. ഈ കേസിൽ ഹോക്കി കോച്ചും സഹായികളും അറസ്റ്റിലായിട്ടുണ്ട്.

In Odisha's Malkangiri district, a minor girl was kidnapped and gang-raped by three men in a forest 15 km from Malkangiri town while returning from a friend’s birthday celebration. After escaping, she faced another assault attempt by a truck driver near the town. Locals intervened, rescuing her and alerting the police, who arrested the three gang-rape suspects and the truck driver. This incident follows recent sexual assault cases in Odisha, including a college student's suicide in Balasore and the rape of a 15-year-old hockey trainee in Jajpur.