വിജയവാഡ: തോതാപുരി മാമ്പഴ കർഷകർക്ക് വലിയ ആശ്വാസമായി 1.62 ലക്ഷം മെട്രിക് ടൺ (എൽഎംടി) മാമ്പഴം സംഭരിക്കാൻ കേന്ദ്രം സമ്മതിച്ചു. ക്വിന്റലിന് 1,490.73 രൂപയ്ക്ക് ആണ് തോതാപുരി മാമ്പഴം സംഭരിക്കുക. മാർക്കറ്റ് ഇന്റർവെൻഷൻ സ്കീം (എംഐഎസ്) പ്രകാരം 2025–26 മാർക്കറ്റിംഗ് സീസണിലാണ് മാമ്പഴം സംഭരിക്കുക. 

മാമ്പഴം സംഭരിക്കുന്ന വിഷയത്തിൽ ഇടപെടണമെന്ന് ആവശ്യപ്പെട്ട് ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡു നിരവധി കത്തുകൾ അയച്ചതിനെത്തുടർന്നാണ് കേന്ദ്രനതിന്റെ നടപടി. തോതാപുരി മാമ്പഴങ്ങൾക്ക് എംഐഎസിന് കീഴിൽ വിലക്കുറവ് പേയ്‌മെന്റ് (പിഡിപി) നടപ്പിലാക്കാൻ കേന്ദ്ര കൃഷി, കർഷകക്ഷേമ മന്ത്രാലയം അംഗീകാരം നൽകി. 

അംഗീകാരം അനുസരിച്ച്, പിഡിപിയുടെ പരമാവധി കവറേജ് അളവ് 1,62,500 മെട്രിക് ടൺ ആയിരിക്കും (6.5 ലക്ഷം മെട്രിക് ടൺ കണക്കാക്കിയ ഉൽപാദനത്തിന്റെ 25%). വിപണി ഇടപെടൽ വില ക്വിന്റലിന് 1,490.73 രൂപയായി നിശ്ചയിച്ചിട്ടുണ്ട്. 

ഇടനില വിലയും വിൽപ്പന വിലയും തമ്മിലുള്ള പരമാവധി വ്യത്യാസം ഇടപെടൽ വിലയുടെ 25 ശതമാനം വരെ ആയിരിക്കും. അതായത് ക്വിന്റലിന് 372.68 രൂപയാകും സംഭരണ വിലയേക്കാൾ വരിക. ഈ തുക കേന്ദ്രവും ആന്ധ്രാപ്രദേശ് സർക്കാരും 50:50 അനുപാതത്തിൽ തുല്യമായി പങ്കിടും. ആദ്യ ഇടപാടിന്റെ തീയതി മുതൽ 30 ദിവസത്തേക്ക് വിലക്കുറവ് പേയ്‌മെന്റ് പദ്ധതി നടപ്പിലാക്കും. പദ്ധതി പ്രകാരം കവറേജിന് അർഹതയുള്ള വ്യാപാരികളുടെ പട്ടിക സംസ്ഥാന സർക്കാർ അറിയിക്കേണ്ടതുണ്ട്.

In a significant move to support Totapuri mango farmers, the central government has approved the procurement of 1.62 lakh metric tonnes (LMT) of Totapuri mangoes under the Market Intervention Scheme (MIS) for the 2025–26 marketing season. The mangoes will be procured at a rate of ₹1,490.73 per quintal, providing much-needed financial relief amid fluctuating market prices.