മലപ്പുറം: തായ്‌ലൻഡിൽ നിന്ന് കേരളത്തിലേക്ക് എത്തിക്കാൻ ശ്രമിച്ച കഞ്ചാവ് വിമാത്താവളത്തിൽ പിടിയിൽ. കരിപ്പൂർ വിമാനത്താവളത്തിലാണ് വൻതോതിലുള്ള കഞ്ചാവ് വേട്ട നടന്നത്. കഞ്ചാവുമായി എത്തിയ കണ്ണൂർ പയ്യന്നൂർ സ്വദേശി മസൂദ എന്ന യുവതിയെ കസ്റ്റഡിയിലെടുത്തു യാത്രക്കാരിയിൽ നിന്ന് കോടികൾ വിലവരുന്ന ഹൈബ്രിഡ് കഞ്ചാവാണ് പിടികൂടിയത്. 

മസൂദയെ കസ്റ്റംസ് പ്രിവൻ്റീവ് വിഭാഗമാണ് കസ്റ്റഡിയിലെടുത്തത്. അബൂദബിയിൽ നിന്നുള്ള യാത്രക്കാരിയായിരുന്നു മസൂദ. തായ്ലൻ്റിൽ നിന്ന് അബൂദബി വഴിയാണ് 23.5 കിലോഗ്രാം ഹൈബ്രിഡ് കഞ്ചാവ് കൊണ്ടുവന്നതെന്നാണ് വിവരം. ബാഗേജിൽ ഒളിപ്പിച്ചാണ് കഞ്ചാവ് കടത്താൻ ശ്രമിച്ചത്. പക്ഷെ കസ്റ്റംസിന്റെ പിടിയിലാവുകയായിരുന്നു.