കൊച്ചി: എറണാകുളത്ത് പെരുമ്പിള്ളി അസീസി സ്‌കൂളിന് സമീപം ദമ്പതികളെ ഷോക്കേറ്റ് മരിച്ചനിലയില്‍ കണ്ടെത്തി. കാരോളില്‍ കെഎ സുധാകരന്‍ (75), ഭാര്യ ജിജി സുധാകരന്‍ (70) എന്നിവരെയാണ് മരിച്ചനിലയില്‍ കണ്ടെത്തിയത്. സുധാകരന്റെ കാലില്‍ ഇലക്ട്രിക് വയര്‍ ചുറ്റിയ നിലയില്‍ ആയിരുന്നു കണ്ടത്.

രണ്ട് ദിവസമായി ഇവരെ വീടിന് പുറത്ത് കാണാതിരുന്നതിനെത്തുടര്‍ന്ന് അയല്‍ക്കാര്‍ നടത്തിയ പരിശോധനയിലാണ് ഇരുവരെയും മരിച്ച നിലയില്‍ കണ്ടെത്തിയത്. സംഭവത്തില്‍ ഞാറയ്ക്കല്‍ പൊലിസ് അന്വേഷണം ആരംഭിച്ചിട്ടുണ്ട്. ആത്മഹത്യയാകാമെന്ന നിഗമനത്തിലാണ് പൊലിസ്.