റായ്പൂര്‍: കന്യാസ്ത്രീകളെ മനുഷ്യക്കടത്തുകാരായും അവരുടെ കാല്‍ക്കല്‍ വീഴുന്നവരായി കോണ്‍ഗ്രസ് നേതാക്കളെയും ചിത്രീകരിച്ച് ബി.ജെ.പിയുടെ കാര്‍ട്ടൂണ്‍. ഒരു പെണ്‍കുട്ടിയുടെ കഴുത്തിലും കൈയിലും കെട്ടിയ കയറില്‍ പിടിക്കുന്ന രണ്ട് കന്യാസ്ത്രീകളും കന്യാസ്ത്രീകളുടെ കാലില്‍ വീഴുന്ന കോണ്‍ഗ്രസ് നേതാക്കളായ രാഹുല്‍ ഗാന്ധി, പ്രിയങ്കാ ഗാന്ധി, ഭുപേഷ് ബാഗേല്‍, കെ.സി വേണുഗോപാല്‍ എന്നിവരുടെയും കാര്‍ട്ടൂണാണ് ഛത്തിസ്ഗഡ് ബി.ജെ.പി ഘടകത്തിന്റെ എക്‌സ് പേജില്‍ പങ്കുവച്ചത്. 

നിര്‍ബന്ധിത മതപരിവര്‍ത്തനം നടത്തുന്നവരുടെയും മനുഷ്യക്കടത്തുകാരുടെയും കാല്‍ക്കല്‍ വീഴുന്ന കോണ്‍ഗ്രസ് പാര്‍ട്ടി എന്ന അടിക്കുറിപ്പോടെയാണ് കാര്‍ട്ടൂണ്‍ എക്‌സില്‍ പങ്കുവച്ചത്. വ്യാപക പ്രതിഷേധമുയര്‍ന്നതോടെ പിന്നീട് ബി.ജെ.പി എക്‌സ് പേജില്‍ നിന്ന് കാര്‍ട്ടൂണ്‍ പിന്‍വലിച്ചു.