കൊച്ചി: ഇന്ത്യൻ വിപണിക്കും തെരഞ്ഞെടുക്കപ്പെട്ട ആഗോള വിപണികൾക്കും വേണ്ടി ഓപ്പൺ-സോഴ്സ് എഐ മോഡലായ ലാമ അടിസ്ഥാനമാക്കിയുള്ള എന്റർപ്രൈസ് എഐ സൊല്യൂഷനുകൾ വികസിപ്പിക്കാൻ ഒരുങ്ങുന്നു. ഇതിനായി ടെക് ഭീമൻ മെറ്റയുമായി റിലയൻസ് ഇൻഡസ്ട്രീസ് ലിമിറ്റഡ് തന്ത്രപരമായ സഹകരണം പ്രഖ്യാപിച്ചിരിക്കുകയാണിപ്പോൾ. കരാറിന്റെ ഭാഗമായി ആദ്യ ഘട്ടത്തിൽ 855 കോടി രൂപ (100 മില്യൺ ഡോളർ) നിക്ഷേപിക്കും. ഇതിൽ 70 ശതമാനം റിലയൻസും 30 ശതമാനം മെറ്റയുമാണ് വഹിക്കുക.

ALSO READ: ടിവിഎസ് ഓർബിറ്റർ vs ഏഥർ റിസ്ത: ഈ ഓണത്തിന് ഏത് ഇല്ക്ടിക് സ്കൂട്ടർ വാങ്ങാം?

മെറ്റയുടെ ഓപ്പൺ-സോഴ്സ് എഐ മോഡലായ ലാമയാണ് ഈ സഹകരണത്തിന്റെ അടിസ്ഥാനം. എന്റർപ്രൈസ് എഐ പ്ലാറ്റ്ഫോമുകളും പ്രീ-കോൺഫിഗർഡ് എഐ സൊല്യൂഷനുകളും ഈ പങ്കാളിത്തം ലഭ്യമാക്കും. ആർട്ടിഫിഷ്യൽ ഇന്റലിജൻസ് രംഗത്തെ ആഗോള കരുത്തരായ മെറ്റയും ഡിജിറ്റൽ അടിസ്ഥാന സൗകര്യങ്ങളിൽ മുൻനിരയിലുള്ള റിലയൻസും ചേർന്നുള്ള ഈ സഹകരണം ഇന്ത്യയുടെ എഐ മേഖലയിൽ നാഴികക്കല്ലാകുമെന്നാണ് പ്രതീക്ഷ.

ALSO READ: സുസുക്കി ആക്സസിന് ഇലക്ട്രിക് പതിപ്പ്: 95 കിലോമീറ്റർ റേഞ്ചുമായി ഇ-ആക്സസ് വിപണിയിലേക്ക്

 

 

റിലയൻസിന്റെ ശക്തമായ ഡിജിറ്റൽ സാങ്കേതിക വിദ്യയുമായി മെറ്റയുടെ ലാമ മോഡലുകളെ സംയോജിപ്പിക്കുന്നതിലൂടെ, ഉയർന്ന പ്രകടനമുള്ള എഐ മോഡലുകൾ കുറഞ്ഞ ചെലവിൽ വിപണിയിലെത്തിക്കാൻ ഈ പങ്കാളിത്തത്തിന് കഴിയുമെന്നാണ് നോക്കി കാണുന്നത്.

“ഇന്ത്യൻ ഡെവലപ്പർമാർക്കും സംരംഭങ്ങൾക്കും ഓപ്പൺ-സോഴ്സ് എഐയുടെ കരുത്ത് പകർന്ന് നൽകാൻ തയാറാണെന്നും, ഇതിനായി റിലയൻസുമായി സഹകരിക്കുന്നതിൽ ഞങ്ങൾക്ക് സന്തോഷമുണ്ടെന്നും മെറ്റയുടെ സ്ഥാപകനും സിഇഒയുമായ മാർക്ക് സക്കർബർഗ് പറഞ്ഞു.
ഈ സംയുക്ത സംരംഭം വഴി മെറ്റയുടെ ലാമ മോഡലുകളെ യഥാർഥ ഉപയോഗത്തിലേക്ക് കൊണ്ടുവരാൻ കഴിയുമെന്നും മാർക്ക് സക്കർബർഗ് പറഞ്ഞു.

ALSO READ: 32.85 കിലോമീറ്റർ മൈലേജും 6 എയർബാഗുകളും ഉണ്ടെന്ന് പറ‍ഞ്ഞിട്ടും എന്ത് കാര്യം; വിൽപ്പനയിൽ കൂപ്പുകുത്തി മാരുതിയുടെ ഫാമിലി കാർ

റിലയൻസ് ഇന്റലിജൻസ് എന്ന പേര് നൽകിയ പുതിയ ഉപകമ്പനി വഴിയാണ് ഈ സഹകരണം നടപ്പാക്കുന്നത്. റിലയൻസിന്റെ ഈ വർഷത്തെ വാർഷിക ജനറൽ ബോഡി യോഗത്തിൽ മുകേഷ് അംബാനി ഈ കമ്പനിയുടെ പ്രഖ്യാപനം നടത്തി. “ഇന്ത്യയുടെ ഡിജിറ്റൽ ഭാവിക്കായുള്ള സുപ്രധാന നീക്കമാണ് റിലയൻസ് ഇന്റലിജൻസ്, എന്നും അദ്ദേഹം വ്യക്തമാക്കി.

മെറ്റയ്ക്ക് പുറമെ, ഗൂഗിളുമായും റിലയൻസ് ഇന്റലിജൻസ് തന്ത്രപരമായ പങ്കാളിത്തത്തിലേർപ്പെടും. അടുത്ത തലമുറ എഐ ഇൻഫ്രാസ്ട്രക്ചർ ഒരുക്കുക ഉൾപ്പെടെയുള്ള വൻ ലക്ഷ്യങ്ങളാണ് ഈ പുതിയ കമ്പനി മുന്നോട്ട് വെക്കുന്നത്.

ALSO READ: സമൂഹ മാധ്യമങ്ങളിൽ സൂപ്പർതാരം: ​ദുബൈയിൽ റോൾസ് റോയ്സും ഓടിച്ച് രാധാമണിയമ്മ

Reliance Industries and Meta have announced a strategic partnership to develop enterprise AI solutions based on Meta's open-source Llama model, targeting Indian and select global markets. The initial investment is ₹855 crore ($100 million), with Reliance holding a 70% stake and Meta 30%. The collaboration aims to deliver AI platforms and solutions, leveraging Reliance’s digital infrastructure and Meta’s AI expertise. mark zuckerberg. mukesh ambani