മസ്‌കത്ത്: ദാഹിറ ഗവര്‍ണറേറ്റിലെ ഇബ്രിയിലുണ്ടായ വാഹനാപകടത്തില്‍ 3 പേര്‍ക്ക് ദാരുണാന്ത്യം. അപകടത്തില്‍ ഒരാള്‍ക്ക് ഗുരുതരമായി പരുക്കേറ്റു. ഞായറാഴ്ച രാവിലെ അല്‍ വഹബ പ്രദേശത്താണ് അപകടം നടന്നത്. ദാഹിറ ഗവര്‍ണറേറ്റിലെ സിവില്‍ ഡിഫന്‍സ് ആന്റ് ആംബുലന്‍സ് അതോറിറ്റിയിലെ അംഗങ്ങള്‍ സ്ഥലത്തെത്തി രക്ഷാപ്രവര്‍ത്തനത്തിന് നേതൃത്വം നല്‍കി. അപകടത്തില്‍പ്പെട്ടവരുടെ വിവരങ്ങള്‍ ഇതുവരെ ലഭ്യമായിട്ടില്ല. അപകടത്തില്‍ പരുക്കേറ്റയാളെ അടുത്തുള്ള ആശുപത്രിയില്‍ പ്രവേശിപ്പിച്ചു. അപകടത്തില്‍ വാഹനങ്ങളുടെ മുന്‍ഭാഗം പൂര്‍ണമായും തകര്‍ന്നു.

ALSO READ: ഒമാനില്‍ അപകടത്തില്‍ മരിച്ചത് മുന്‍ യുഎഇ സൈനികന്‍; സലാലയിലെത്തിയത് വാരാന്ത്യ അവധിക്കാലം ആഘോഷിക്കാന്‍

അതേസമയം ഒമാനിലെ ദോഫാര്‍ ഗവര്‍ണറേറ്റിലെ തുംറൈറ്റിന് സമീപമുള്ള ടു-വേ ഹൈവേയില്‍ ശനിയാഴ്ച ഉണ്ടായ വാഹനാപകടത്തില്‍ രണ്ട് പേര്‍ക്ക് ജീവന്‍ നഷ്ടമായിരുന്നു. ഒരു ഇമാറാത്തി പൗരനും ഒരു ഒമാനി പൗരനുമാണ് അപകടത്തില്‍ മരിച്ചത്.

പ്രാഥമിക റിപ്പോര്‍ട്ടുകളും സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്ന വീഡിയോ ദൃശ്യങ്ങളും സൂചിപ്പിക്കുന്നത്, അപകടത്തില്‍പ്പെട്ട രണ്ട് വാഹനങ്ങളും അമിത വേഗതയിലായിരുന്നു എന്നാണ്. സലാലയിലേക്കുള്ള റോഡില്‍ ഉണ്ടായ അപകടം നിരീക്ഷണ ക്യാമറകളില്‍ പതിഞ്ഞിട്ടുണ്ട്.
 
മരിച്ച ഒമാനി പൗരന്‍, ഗണിതശാസ്ത്ര അധ്യാപകനായ നാസര്‍ അല്‍ കിന്ദി, കുടുംബത്തോടൊപ്പം യാത്ര ചെയ്യുകയായിരുന്നു. അദ്ദേഹത്തിന്റെ മൃതദേഹം സലാലയിലെ സുല്‍ത്താന്‍ ഖാബൂസ് ആശുപത്രിയില്‍ നിന്ന് വടക്കന്‍ ബാറ്റിന ഗവര്‍ണറേറ്റിലെ ലിവയിലേക്ക് പൊലിസ് ഏവിയേഷന്‍ വിഭാഗം കൊണ്ടുപോയി.

ALSO READ: സലാലയില്‍ വാഹനാപകടം; ഇമാറാത്തിക്കും ഒമാന്‍ പൗരനും ദാരുണാന്ത്യം

അദ്ദേഹത്തിന്റെ കുടുംബാംഗങ്ങള്‍ അപകടത്തില്‍ നിന്ന് രക്ഷപ്പെട്ടു. മുന്‍ യുഎഇ സൈനികനായ ഫരാജാണ് അപകടത്തില്‍ മരിച്ച ഇമാറാത്തി. സലാലയിലേക്കുള്ള വാരാന്ത്യ അവധിക്കാല യാത്രയ്ക്കിടെ, ഭാര്യയോടും മകളോടുമൊപ്പം യാത്ര ചെയ്യവേ ഇവരുടെ വാഹനം മറ്റൊരു കാറുമായി നേര്‍ക്കുനേര്‍ കൂട്ടിയിടിച്ചാണ് അപകടമുണ്ടായത്.

a tragic collision between two trucks in ibri, oman, resulted in the death of three individuals. authorities are investigating the cause of the deadly crash.