തെഹ്റാൻ: ഇസ്റാഈലിന് വേണ്ടി ചാരവൃത്തി നടത്തിയ യുവാവിനെ വധശിക്ഷയ്ക്ക് വിധേയനാക്കി ഇറാൻ. ബാബക് ഷഹബാസി എന്ന വ്യക്തിയെയാണ് ഇറാൻ ബുധനാഴ്ച വധശിക്ഷയ്ക്ക് വിധേയനാക്കിയത്. 

ഇറാന്റെ ജുഡീഷ്യറിയുടെ മിസാൻ വാർത്താ ഏജൻസിയുടെ റിപ്പോർട്ട് പ്രകാരം, ഇറാനിയൻ ഡാറ്റാ സെന്ററുകളുടെയും സുരക്ഷാ കേന്ദ്രങ്ങളുടെയും രഹസ്യ വിവരങ്ങൾ ശേഖരിച്ച് ഇസ്റാഈലി ഹാൻഡ്‌ലർമാർക്ക് വിറ്റുവെന്നാണ് ഷഹബാസിക്കെതിരായ ആരോപണം. എന്നാൽ, യുക്രെയ്ൻ പ്രസിഡന്റ് വ്ളോഡിമർ സെലെൻസ്കിക്ക് സഹായം വാഗ്ദാനം ചെയ്ത് കത്തെഴുതിയതിന്റെ പേരിലാണ് യുവാവിനെ കസ്റ്റഡിയിലെടുത്തതെന്ന് ആക്ടിവിസ്റ്റുകൾ വെളിപ്പെടുത്തി. 

ALSO READ: 'അവര്‍ക്ക് വലിയ സ്വപ്‌നങ്ങളുണ്ടായിരുന്നു അസാമാന്യ പ്രതിഭകളായിരുന്നു അവര്‍...' ലോകത്തിന്റെ ഉന്നതിയില്‍ എത്തേണ്ടവരായിരുന്നു ഇസ്‌റാഈല്‍ കൊലപ്പെടുത്തിയ ഫുട്‌ബോള്‍ അക്കാദമിയിലെ കുഞ്ഞുങ്ങള്‍ 

യുക്രെയ്നെ ആക്രമിക്കാൻ ഉപയോഗിച്ച ഡ്രോണുകൾ റഷ്യയ്ക്ക് വിതരണം ചെയ്തത് ഇറാൻ ആയിരുന്നെന്ന് റിപ്പോർട്ടുണ്ടായിരുന്നു. "സെലെൻസ്കിക്ക് ഷഹബാസി അയച്ച സന്ദേശം, ഇസ്റാഈലിന് വേണ്ടിയുള്ള ചാരവൃത്തിയായി ചിത്രീകരിച്ചു. ഇസ്റാഈലാണ് അവനെ മൈക്രോസോഫ്റ്റ് വേഡ് ഉപയോഗിക്കാൻ പഠിപ്പിച്ചതെന്ന് വരെ അവർ ആരോപിച്ചു," ഇറാൻ ഹ്യൂമൻ റൈറ്റ്സ് സംഘടന പ്രസ്താവനയിൽ പറഞ്ഞു. ആരോപണം ഇറാൻ തള്ളി.

ഷഹബാസി യുക്രെയ്നിന് വേണ്ടി പോരാടാൻ തയ്യാറായിരുന്നുവെന്നാണ് ആക്ടിവിസ്റ്റുകൾ അവകാശപ്പെടുന്നത്. വധശിക്ഷ എങ്ങനെ നടപ്പാക്കിയെന്ന് ഇറാൻ വ്യക്തമാക്കിയിട്ടില്ല, പക്ഷേ, ഇറാനിൽ വധശിക്ഷയ്ക്ക് വിധിക്കപ്പെട്ടവരെ സാധാരണയായി തൂക്കിലേറ്റുകയാണ് പതിവ്.

ALSO READ: യുഎസുമായി പുതുക്കിയ ശതകോടികളുടെ പ്രതിരോധ കരാര്‍ ഒപ്പിടാനൊരുങ്ങി ഖത്തര്‍; പിന്നാലെ ഇനി ഇസ്‌റാഈല്‍ ആക്രമിക്കില്ലെന്ന് ട്രംപ്  

ഇസ്റാഈലുമായുള്ള 12 ദിവസത്തെ യുദ്ധത്തിന് ശേഷം, ചാരവൃത്തി ആരോപിച്ച് എട്ട് പേരെ ഇറാൻ തൂക്കിലേറ്റിയിരുന്നു. ഇത് വൻതോതിൽ വധശിക്ഷകൾ നടപ്പാക്കാനുള്ള സർക്കാർ നീക്കമാണോ എന്ന ആശങ്ക മനുഷ്യാവകാശ പ്രവർത്തകർക്കിടയിൽ ഉയർന്നിരുന്നു. ഇസ്റാഈലിന്റെ വ്യോമാക്രമണത്തിൽ ഇറാനിൽ 1,100-ലധികം പേർ കൊല്ലപ്പെട്ടിരുന്നു. ഇതിൽ നിരവധി ഉന്നത സൈനിക കമാൻഡർമാർമാരും ഉൾപ്പെട്ടിരുന്നു.  ഇതിന് മറുപടിയായി ഇറാൻ ഇസ്റാഈലിനെതിരെ മിസൈൽ ആക്രമണം നടത്തിയിരുന്നു.

Iran has sentenced a young man to death for allegedly spying for Israel, escalating tensions in 2025. The case highlights Iran's strict measures against espionage. Stay informed on this developing story, international relations, and regional security updates.