മസ്കത്ത്: ഒമാനിലെ ദോഫാർ ഗവർണറേറ്റിലെ തുംറൈറ്റിന് സമീപമുള്ള ടു-വേ ഹൈവേയിൽ ശനിയാഴ്ച ഉണ്ടായ വാഹനാപകടത്തിൽ രണ്ട് പേർക്ക് ദാരുണാന്ത്യം. ഒരു ഇമാറാത്തി പൗരനും ഒരു ഒമാനി പൗരനുമാണ് അപകടത്തിൽ മരിച്ചത്.

പ്രാഥമിക റിപ്പോർട്ടുകളും സാമൂഹിക മാധ്യമങ്ങളിൽ വ്യാപകമായി പ്രചരിക്കുന്ന വീഡിയോ ദൃശ്യങ്ങളും സൂചിപ്പിക്കുന്നത്, അപകടത്തിൽപ്പെട്ട രണ്ട് വാഹനങ്ങളും അമിത വേഗതയിലായിരുന്നു എന്നാണ്. സലാലയിലേക്കുള്ള റോഡിൽ ഉണ്ടായ ഈ കൂട്ടിയിടി നിരീക്ഷണ ക്യാമറകളിൽ പതിഞ്ഞിട്ടുണ്ട്.

ALSO READ: ഒമാനിൽ ഡിജിറ്റൽ ടാക്സ് സ്റ്റാമ്പ് മൂന്നാം ഘട്ടം നടപ്പിലാക്കുന്നത് നവംബറിലേക്ക് നീട്ടി

മരിച്ച ഒമാനി പൗരൻ, ഗണിതശാസ്ത്ര അധ്യാപകനായ നാസർ അൽ കിന്ദി, കുടുംബത്തോടൊപ്പം യാത്ര ചെയ്യുകയായിരുന്നു. അദ്ദേഹത്തിന്റെ കുടുംബാംഗങ്ങൾ അപകടത്തിൽ നിന്ന് രക്ഷപ്പെട്ടു. ഇമാറാത്തി പൗരനോടൊപ്പം യാത്ര ചെയ്തിരുന്ന മറ്റൊരു ഇമാറാത്തി പൗരനും അപകടത്തിൽ നിന്ന് രക്ഷപ്പെട്ടതായി റിപ്പോർട്ടുണ്ട്. അപകടത്തിന്റെ കാരണത്തെ സംബന്ധിച്ച് അധികൃതർ ഇതുവരെ പ്രതികരണം നൽകിയിട്ടില്ല.

حادث قوي اليوم في طريق صلاله
متوفى معلم من عمان ومعه عائلته
والسياره الثانيه اثنين من الإمارات

الله يرحم الاموات ويشفي المصابين

وانا لله وانا اليه راجعون pic.twitter.com/TqU7UPHfEu

— 🇦🇪 دبي 1 (@Dxbai) August 2, 2025

ALSO READ: സ്‌പോണ്‍സറുടെ വീട്ടില്‍ നിന്ന് സ്വര്‍ണം മോഷ്ടിച്ച് രാജ്യം വിടാന്‍ ശ്രമം; ഒമാനില്‍ മൂന്ന് ശ്രീലങ്കന്‍ തൊഴിലാളികള്‍ അറസ്റ്റില്‍

കുറച്ച് ആഴ്ചകൾക്ക് മുമ്പ് ദോഫാറിലെ മഖ്ഷാനിന് സമീപമുള്ള സുൽത്താൻ സെയ്ദ് ബിൻ തൈമൂർ റോഡിൽ നടന്ന മറ്റൊരു വിനാശകരമായ അപകടത്തിന്റെ ആഘാതം കെട്ടടങ്ങും മുമ്പാണ് പുതിയ അപകടം. റോയൽ ഒമാൻ പൊലിസിന്റെ അറിയിപ്പ് പ്രകാരം മുമ്പുള്ള അപകടത്തിൽ മൂന്ന് വാഹനങ്ങളാണ് ഉൾപ്പെട്ടിരുന്നത്. ഈ അപകടത്തിൽ അഞ്ച് പേർ മരിച്ചിരുന്നു. ഇതിൽ രണ്ട് ഒമാനികളും മൂന്ന് പേർ യുഎഇ പൗരന്മാരുമായിരുന്നു. അപകടത്തിൽ അഞ്ച് കുട്ടികൾ ഉൾപ്പെടെ 11 പേർക്ക് പരുക്കേൽക്കുകയും ചെയ്തിരുന്നു.

A devastating road accident in Salalah claimed the lives of an Emirati and an Omani national. Authorities are investigating the cause as tributes pour in from both nations.