ദുബൈ: 2025 സെപ്റ്റംബർ 9-നാണ് ആപ്പിളിന്റെ ഏറ്റവും പുതിയ ഐഫോൺ സീരീസ് യുഎഇയിൽ അവതരിപ്പിച്ചത്. ഐഫോൺ 17, ഐഫോൺ 17 Pro, ഐഫോൺ 17 Pro Max, പുതിയ ഐഫോൺ എയർ എന്നിവയാണ് ആപ്പിൾ അടുത്തിടെ പുറത്തിറക്കിയത്. 

2025 സെപ്റ്റംബർ 12 മുതൽ യുഎഇയിൽ ഐഫോൺ സീരിസിനായുള്ള പ്രീ-ഓർഡറുകൾ ആരംഭിച്ചു. 2025 സെപ്റ്റംബർ 19, വെള്ളിയാഴ്ച മുതൽ സ്റ്റോറുകളിൽ നിന്ന് ഫോണുകൾ വാങ്ങാൻ സാധിക്കും. 

ALSO READ: യുഎഇക്കാരെ നിങ്ങളറിഞ്ഞോ? ഇവയെല്ലാമാണ് ഒക്ടോബറിൽ യുഎഇയിൽ നടക്കുന്ന പ്രധാന സംഭവങ്ങളും അപ്‌ഡേറ്റുകളും

നിങ്ങൾ പുതിയ ഐഫോൺ പ്രീ-ഓർഡർ ചെയ്യാതെ സ്വന്തമാക്കാൻ ആഗ്രഹിക്കുന്നുണ്ടെങ്കിൽ, ഇതിനായി നിലവിൽ ഓപ്ഷനുകൾ ഇല്ല. ഓൺലൈനിൽ പ്രീ-ഓർഡർ ചെയ്ത് സ്റ്റോറിൽ നിന്ന് എടുക്കാൻ തിരഞ്ഞെടുത്ത ഉപഭോക്താക്കൾക്കാണ് ആപ്പിൾ യുഎഇ മുൻഗണന നൽകുന്നത്. അതിനാൽ,ഐഫോൺ സ്വന്തമാക്കാനുള്ള ഏറ്റവും സുരക്ഷിതമായ മാർഗം മുൻകൂട്ടി ബുക്ക് ചെയ്യുക എന്നതാണ്.

നിലവിൽ നാല് ആപ്പിൾ സ്റ്റോറുകളാണ് യുഎഇയിൽ ഉള്ളത്. ദുബൈ മാൾ, മാൾ ഓഫ് ദി എമിറേറ്റ്സ്, യാസ് മാൾ, അൽ മറിയ ഐലൻ‍ഡ് എന്നിവിടങ്ങളിലാണ് ഈ നാല് സ്റ്റോറുകൾ സ്ഥിതി ചെയ്യുന്നത്. ഈ വർഷം അവസാനത്തോടെ അൽ ഐനിൽ അഞ്ചാമത്തെ ആപ്പിൾ സ്റ്റോർ തുറക്കുമെന്നാണ് പ്രതീക്ഷിക്കുന്നത്. 

ALSO READ: ദുബൈയിൽ നിങ്ങളുടെ ഇന്ത്യൻ പാസ്പോർട് എങ്ങനെ പുതുക്കാം; നിങ്ങൾക്കാവശ്യമായ വിവരങ്ങളുടെ സമ്പൂർണ ​ഗൈഡ്

എല്ലാ സ്റ്റോറുകളിലും, ഐഫോൺ 17 Pro, ഐഫോൺ 17 Pro Max മോഡലുകൾക്ക് വലിയ ഡിമാൻഡുണ്ടാകുമെന്നാണ് വിലയിരുത്തപ്പെടുന്നത്. ഇലക്ട്രോണിക്സ് റീട്ടെയിലർമാരിലും, ടെലികോം ഔട്ട്‌ലെറ്റുകളിലും പ്രീ-ഓർഡറുകൾ ആരംഭിച്ചപ്പോൾ തന്നെ വലിയ തിരക്കാണ് അനുഭവപ്പെട്ടത്.

യുഎഇയിലെ ഷോപ്പർമാർക്കുള്ള പ്രധാന നിർദേശം ഇതാണ്. ലോഞ്ചിങ്ങ് ദിനത്തിൽ തന്നെ iPhone 17 സ്വന്തമാക്കൻ ഓൺലൈനിൽ പ്രീ-ഓർഡർ ചെയ്ത് സ്റ്റോറിൽ എടുക്കുക. വാക്ക്-ഇൻ ഉപഭോക്താക്കൾക്ക് ചിലപ്പോൾ ഭാഗ്യം ഉണ്ടായേക്കാം. പക്ഷേ സ്റ്റോക്ക് വളരെ പരിമിതമാണ്, എല്ലാ പ്രധാന സ്ഥലങ്ങളിലും വലിയ തിരക്കാണ് പ്രതീക്ഷിക്കുന്നത്.

Apple recently launched its latest iPhone series, comprising the iPhone 17, iPhone 17 Pro, iPhone 17 Pro Max, and the new iPhone Air. The iPhone 17 series features upgraded designs, advanced camera systems, and improved performance. Key highlights include.