തിരുവനന്തപുരം: ആടുജീവിതത്തെ അവഗണിച്ചതില്‍ ദേശീയ ചലച്ചിത്ര പുരസ്‌കാരത്തില്‍ വിമര്‍ശനവുമായി മന്ത്രി വി. ശിവന്‍കുട്ടി. ആട് ജീവിതത്തെ അവഗണിച്ചത് ശരിയായില്ലെന്ന നിലപാടിലാണ് മന്ത്രി പ്രതിഷേധവുമായി രംഗത്തെത്തിയത്. ഷാരൂഖ് ഖാനെ തനിക്ക് ഇഷ്ടമാണ,് എന്നാല്‍ ആടുജീവിതത്തിലെ പൃഥ്വിരാജിന്റെ പ്രകടനം മികച്ചതാണെന്നാണ് ശിവന്‍കുട്ടി അഭിപ്രായപ്പെട്ടത്.

ആടുജീവിതം എങ്ങനെ തഴയപ്പെട്ടു എന്നും മന്ത്രി വി. ശിവന്‍കുട്ടി തന്റെ ഫേസ്ബുക്ക് പോസ്റ്റില്‍ ചോദിച്ചു. കേരള സ്റ്റോറിക്ക് രണ്ടു ദേശീയ അവാര്‍ഡുകള്‍ നല്‍കിയതിലും പ്രതിഷേധവുമായി ശിവന്‍കുട്ടി രംഗത്തെത്തിയിരുന്നു.