ചെന്നൈ: ആർ. അശ്വിൻ ചെന്നൈ സൂപ്പർ കിങ്‌സ് വിടാൻ ഒരുങ്ങുന്നതായി റിപ്പോർട്ട്. അടുത്ത സീസണിന് മുന്നോടിയായി തന്നെ ടീമിൽ നിന്ന് റിലീസ് ചെയ്യണമെന്ന് അശ്വിൻ ആവശ്യപ്പെട്ടതായി ദേശീയ മാധ്യമങ്ങൾ റിപ്പോർട്ട് ചെയ്തു. ക്ലബ് വിടാൻ തയ്യാറെടുക്കുന്ന അശ്വിൻ ചെന്നൈ സൂപ്പർ കിങ്‌സിന്റെ അക്കാദമി ഡയറക്ടർ സ്ഥാനവും ഒഴിഞ്ഞിട്ടുണ്ടെന്നാണ് വിവരം.

രാജസ്ഥാൻ റോയൽസ് (ആർആർ) നിലനിർത്താതിരുന്ന രവിചന്ദ്രൻ അശ്വിനെ കഴിഞ്ഞ ഐ.പി.എൽ ലേലത്തിൽ ചെന്നൈ സൂപ്പർ കിങ്‌സ് സ്വന്തമാക്കുകയായിരുന്നു. 9.75 കോടി മുടക്കിയാണ് സ്പിൻ ബൗളിങ് ഓൾറൗണ്ടറെ ചെന്നൈ തട്ടകത്തിലെത്തിച്ചത്.10 വർഷത്തിന് ശേഷമാണ് അശ്വിൻ ചെന്നൈ സൂപ്പർ കിങ്‌സിലേക്ക് തിരിച്ചെത്തിയത്. 2009ൽ സൂപ്പർ കിങ്സിനൊപ്പം തന്റെ ഐ.പി.എൽ കരിയർ ആരംഭിച്ച അശ്വിൻ 2015 വരെ ഫ്രാഞ്ചൈസിക്ക് വേണ്ടി കളിച്ചു. ചെന്നൈയ്‌ക്കൊപ്പം തന്നെ തന്റെ കരിയർ അവസാനിപ്പിക്കണമെന്ന ആഗ്രഹത്തിലാണ് അശ്വിൻ വീണ്ടും ചെന്നൈ ജേഴ്‌സി അണിഞ്ഞതെന്നാണ് സൂചന.

R Ashwin is reportedly preparing to leave Chennai Super Kings. National media reported that Ashwin has requested to be released from the team ahead of the next season