ഷാര്‍ജ: വിവിധ സര്‍ക്കാര്‍ ഏജന്‍സികളിലായി 700 തൊഴിലന്വേഷകര്‍ക്ക് ജോലി അനുവദിച്ച് ഷാര്‍ജ ഭരണാധികാരി. മുമ്പ് ജോലി ചെയ്തിട്ടില്ലാത്തതോ തൊഴില്‍ അവസരങ്ങള്‍ ലഭിച്ചിട്ടില്ലാത്തതോ ആയ, ഷാര്‍ജ പുനരധിവാസ പരിശീലന പരിപാടിയില്‍ നിന്നുള്ളവര്‍ക്കാണ് ഷാര്‍ജ ഭരണാധികാരി ജോലി നല്‍കിയത്.

ALSO READ: വിദേശത്ത് സുരക്ഷിതരായിരിക്കാം: യുഎഇ വിദേശകാര്യ മന്ത്രാലയം പുറപ്പെടുവിച്ച യാത്രാ മാർഗ്ഗനിർദ്ദേശങ്ങൾ അറിയാം 

പുതിയതായി ബിരുദ യോഗ്യതയടക്കം നേടിയ 254 ജീവനക്കാരുടെ സ്റ്റാറ്റസ് തീര്‍പ്പാക്കുന്നതിനും സുപ്രീം കൗണ്‍സില്‍ അംഗവും ഷാര്‍ജ ഭരണാധികാരിയുമായ ഷെയ്ഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി അംഗീകാരം നല്‍കി. സ്റ്റാറ്റസ് സെറ്റില്‍മെന്റിന് ആകെ 8.4 ദശലക്ഷം ദിര്‍ഹമാണ് ചെലവായത്. 

ALSO READ: ഒന്നാമത് അബൂദബി, രണ്ടാമത് അജ്മാൻ ലോകത്തിലെ ഏറ്റവും സുരക്ഷിതമായ ന​ഗരങ്ങളുടെ റാങ്കിങ്ങിൽ യുഎഇയുടെ സർവാധിപത്യം 

കൂടാതെ, ഷാര്‍ജ സര്‍ക്കാരിലെ 1,523 ജീവനക്കാര്‍ക്ക് സ്ഥാനക്കയറ്റം അനുവദിക്കുകയും ചെയ്തു. ഇതില്‍ 1,222 ജീവനക്കാര്‍ക്ക് ജോലിയില്‍ പ്രമോഷന്‍ ലഭിച്ചപ്പോള്‍ 264 ജീവനക്കാര്‍ക്ക് സാമ്പത്തികമായാണ് പ്രമോഷന്‍ നല്‍കിയത്. ഇതിനായി ആകെ 22 ദശലക്ഷം ദിര്‍ഹമാണ് ചെലവഴിച്ചത്. ഷാര്‍ജ ഭരണാധികാരിയുടെ ഈ പ്രവൃത്തിയെ സോഷ്യല്‍ മീഡിയയിലൂടെ നിരവധി പേരാണ് പ്രശംസിച്ചുകൊണ്ട് രംഗത്തെത്തിയത്.

The Ruler of Sharjah has announced the creation of 700 new job opportunities for job seekers, spanning various government agencies. Learn more about the initiative and how it supports employment growth in Sharjah.