ഓസ്ട്രേലിയ-സൗത്ത് ആഫ്രിക്ക മൂന്ന് ടി-20 മത്സരങ്ങളുടെ ആദ്യ മത്സരത്തിൽ തകർപ്പൻ റെക്കോർഡ് സ്വന്തമാക്കി ഓസ്‌ട്രേലിയൻ താരം ടിം ഡേവിഡ്.  മത്സരത്തിൽ അർദ്ധ സെഞ്ച്വറി നേടിയാണ് ഡേവിഡ് തിളങ്ങിയത്. 52 പന്തിൽ 83 റൺസാണ് ഡേവിഡ് അടിച്ചെടുത്തത്. നാല് ഫോറുകളും എട്ട് കൂറ്റൻ സിക്സുകളും ആണ് താരത്തിന്റെ ബാറ്റിൽ നിന്നും പിറന്നത്.

ഇതോടെ ടി-20യിൽ ഒരു വമ്പൻ നേട്ടവും ഡേവിഡ് സ്വന്തമാക്കി. ടി-20യിൽ ഒരു മത്സരത്തിൽ സൗത്ത് ആഫ്രിക്കതിരെ ഏറ്റവും കൂടുതൽ സിക്സുകൾ നേടുന്ന താരമായാണ് ഡേവിഡ് മാറിയത്. എട്ട് സിക്സുകളാണ് താരം നേടിയത്. ആറ് വീതം സിക്സുകൾ നേടിയ ഡേവിഡ് വാർണർ, ട്രാവിസ് ഹെഡ്, ഡേവിഡ് ഹസി, മിച്ചൽ മാർഷ് എന്നീ താരങ്ങളെ ഒരുമിച്ച് മറികടന്നാണ് ഡേവിഡ് ഈ നേട്ടം കൈവരിച്ചത്. 

വെസ്റ്റ് ഇൻഡീസിനെതിരായ അഞ്ചു ടി-20 മത്സരങ്ങളുടെ പരമ്പരയിലും ഡേവിഡ് മിന്നും പ്രകടനമാണ് നടത്തിയിരുന്നത്. മൂന്നാം മത്സരത്തിൽ സെഞ്ച്വറി നേടിയും ഡേവിഡ് തിളങ്ങിയിരുന്നു. 7 പന്തിൽ പുറത്താവാതെ 102 റൺസ് നേടിയാണ് ടിം ഡേവിഡ് തിളങ്ങിയത്. ആറ് ഫോറുകളും 11 കൂറ്റൻ സിക്സുകളും ആണ് താരം നേടിയത്.

ഇതോടെ ഇന്റർ നാഷണൽ ടി-20യിൽ ഓസ്‌ട്രേലിയക്കായി ഏറ്റവും വേഗത്തിൽ സെഞ്ച്വറി നേടുന്ന താരമായി മാറാനും ഡേവിഡിന് സാധിച്ചു. ജോഷ് ഇങ്കിൾസിന്റെ റെക്കോർഡ് തകർത്താണ് ഡേവിഡ് ഈ റെക്കോർഡ് കൈവരിച്ചത്. കഴിഞ്ഞ വർഷം സ്കോട്ട്ലൻഡിനെതിരെ നടന്ന മത്സരത്തിൽ 43 പന്തിൽ സെഞ്ച്വറി നേടിയാണ് ഇങ്കിൾസ് ഈ നേട്ടം കൈവരിച്ചിരുന്നത്. 

അതേസമയം സൗത്ത് ആഫ്രിക്കക്കെതിരായ ടി-20യിലെ ആദ്യ മത്സരത്തിൽ11 റൺസിന്റെ വിജയമാണ് ഓസീസ് സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത ഓസ്ട്രേലിയ 20 ഓവറിൽ 178 റൺസിന്‌ പുറത്താവുകയായിരുന്നു. എന്നാൽ വിജയലക്ഷ്യം പിന്തുടർന്നിറങ്ങിയ സൗത്ത് ആഫ്രിക്കയുടെ ഇന്നിങ്സ് 20 ഓവറിൽ ഒമ്പത് വിക്കറ്റ് നഷ്ടത്തിൽ 161 റൺസിൽ അവസാനിക്കുകയായിരുന്നു.

Australian batsman Tim David set a new record in the first match of the three-match T20I series between Australia and South Africa David shone by scoring a half-century in the match