ഇന്റർനാഷണൽ ടി-20യിൽ നിന്നും വിരമിക്കൽ പ്രഖ്യാപിച്ച ഓസ്‌ട്രേലിയൻ ഇതിഹാസ താരം ഡേവിഡ് വാർണർ ഇപ്പോഴും കുട്ടിക്രിക്കറ്റിൽ മിന്നും ഫോമിലാണ് കളിച്ചുകൊണ്ടിരിക്കുന്നത്. ഹണ്ട്രഡിൽ ലണ്ടൻ സ്പിരിറ്റിന് വേണ്ടിയാണ് വാർണർ മികച്ച പ്രകടനം നടത്തിയത്. മാഞ്ചസ്റ്റർ ഒറിജിനൽസിനെതിരെയുള്ള മത്സരത്തിൽ അർദ്ധ സെഞ്ച്വറി നേടിയാണ് വാർണർ തിളങ്ങിയത്. 51 പന്തിൽ 71 റൺസാണ് വാർണർ അടിച്ചെടുത്തത്. 12 ഫോറുകളും ഒരു സിക്‌സും അടങ്ങുന്നതാണ് താരത്തിന്റെ ഇന്നിംഗ്സ്. 

ഈ അർദ്ധ സെഞ്ച്വറിയോടെ ടി-20 ക്രിക്കറ്റിൽ ഏറ്റവും കൂടുതൽ റൺസ് നേടുന്ന താരങ്ങളുടെ പട്ടികയിൽ അഞ്ചാം സ്ഥാനത്തേക്ക് മുന്നേറാനും വാർണറിന് സാധിച്ചു. ഇന്ത്യൻ സൂപ്പർതാരം വിരാട് കോഹ്‌ലിയെ മറികടന്നാണ് വാർണർ അഞ്ചാം സ്ഥാനത്തേക്ക് ഉയർന്നത്. ഇതിനോടകം തന്നെ 419 ടി-20 മത്സരങ്ങളിൽ നിന്നും 13545 റൺസാണ് വാർണർ നേടിയത്. കോഹ്‌ലി 412 മത്സരങ്ങളിൽ നിന്ന് 13543 റൺസാണ് നേടിയിട്ടുള്ളത്. ഷോയിബ് മാലിക്(13,571), അലക്സ് ഹെയ്ൽസ്(13,814), കീറോൺ പൊള്ളാർഡ്(13,854), ക്രിസ് ഗെയ്ൽ(14,562) എന്നിവരാണ് ഈ പട്ടികയിൽ ആദ്യ നാല് സ്ഥാനങ്ങളിൽ ഉള്ളത്. 

വാർണർ മികച്ച പ്രകടനം നടത്തിയെങ്കിലും ലണ്ടൻ സ്പിരിറ്റ് 10 റൺസിന്‌ പരാജയപ്പെടുകയായിരുന്നു. ആദ്യം ബാറ്റ് ചെയ്ത മാഞ്ചസ്റ്റർ ഒറിജിനൽസ് ആറ് വിക്കറ്റ് നഷ്ടത്തിൽ 163 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ലണ്ടൻ സ്പിരിറ്റിന്റെ ഇന്നിംഗ്സ് 153 റൺസിൽ അവസാനിക്കുകയായിരുന്നു.

മാഞ്ചസ്റ്ററിനായി ജോസ് ബട്ലർ 37 പന്തിൽ 47 റൺസ് നേടി ടീമിന്റെ ടോപ് സ്കോററായി. മൂന്ന് ഫോറുകളും രണ്ട് സിക്സമാണ് ബട്ലർ നേടിയത്. ക്യാപ്റ്റൻ ഫിൽ സാൾട്ട് 20 പന്തിൽ 31 റൺസും ബെൻ മക്കിന്നി 12 പന്തിൽ 29 റൺസും നേടി ടീമിന് മികച്ച ടോട്ടൽ നൽകുന്നതിൽ നിർണായകമായി. 

Australian legend David Warner, who has announced his retirement from international T20s, is still playing in brilliant form in minor cricket. Warner performed well for London Spirit in the Hundred. Warner shone by scoring a half-century in the match against Manchester Originals.