ന്യൂഡല്‍ഹി: ബിഹാറിലെ വോട്ടര്‍പട്ടിക പരിശോധനയുമായി ബന്ധപ്പെട്ട കേസില്‍ നാടകീയ രംഗങ്ങള്‍. തെരഞ്ഞെടുപ്പ് കമ്മിഷന്‍ മരിച്ചവരായി പ്രഖ്യാപിച്ച് വോട്ടര്‍പട്ടികയില്‍ നിന്ന് നീക്കം ചെയ്ത രണ്ട് വ്യക്തികളെ ഹരജിക്കാരനായ യോഗേന്ദ്ര യാദവ് സുപ്രിംകോടതിയില്‍ ഹാജരാക്കി. "ദയവായി ഇവരെ കാണൂ, ഇവര്‍ മരിച്ചവരായി പ്രഖ്യാപിക്കപ്പെട്ടവരാണ്, എന്നാല്‍ ഇവര്‍ ജീവനോടെയുണ്ട്," എന്ന് പറഞ്ഞാണ് യോഗേന്ദ്ര യാദവ് ഇവരെ കോടതിക്ക് പരിചയപ്പെടുത്തിയത്. ഇതോടെ, ജസ്റ്റിസ് സൂര്യകാന്തും ജസ്റ്റിസ് ജോയ് മല്യ ബാഗ്ചിയും അടങ്ങുന്ന ബെഞ്ചില്‍ അപ്രതീക്ഷിത രംഗങ്ങള്‍ അരങ്ങേറി.

കോടതിയില്‍ നാടകമാണ് നടക്കുന്നതെന്ന് തെരഞ്ഞെടുപ്പ് കമ്മിഷനായി ഹാജരായ അഭിഭാഷകന്‍ രാകേഷ് ദ്വിവേദി കുറ്റപ്പെടുത്തി. ഇതൊരു അശ്രദ്ധയില്‍ വന്ന പിഴവായിരിക്കാമെന്നും അത് തിരുത്താവുന്നതാണെന്നും ജസ്റ്റിസ് ബാഗ്ചി പറഞ്ഞു. അതോടൊപ്പം നിങ്ങളുടെ വാദങ്ങള്‍ ഞങ്ങള്‍ മുഖവിലയ്‌ക്കെടുക്കുന്നുവെന്നും ജസ്റ്റിസ് ബാഗ്ചി പറഞ്ഞു. ഇത് ഒറ്റപ്പെട്ടതല്ലെന്നും ലോകചരിത്രത്തിലെ ഏറ്റവും വലിയ വോട്ടവകാശ നിഷേധത്തിനാണ് നമ്മള്‍ സാക്ഷ്യം വഹിക്കുന്നതെന്നും യാദവ് വാദിച്ചു. 65 ലക്ഷം പേരുകള്‍ ഒഴിവാക്കപ്പെട്ടു. ഇന്ത്യയുടെ ചരിത്രത്തില്‍ ഇന്നുവരെ ഇത് സംഭവിച്ചിട്ടില്ല. ഈ കണക്ക് ഒരു കോടി കടക്കുമെന്ന് ഉറപ്പാണ്.

ALSO READ: തൃശ്ശൂരിൽ സുരേഷ് ഗോപിയെ വിടാതെ വിവാദങ്ങളുടെ നിര

സെന്‍സസ് അടിസ്ഥാനമാക്കിയുള്ള കണക്കിന്റെ അടിസ്ഥാനത്തില്‍ ബിഹാറിലെ മൊത്തം മുതിര്‍ന്ന ജനസംഖ്യ 8.18 കോടിയാണ്. ഇത് 7.9 കോടിയായി കണക്കാക്കരുത്. മരണങ്ങളുടെയോ കുടിയേറ്റക്കാരുടെയോ എണ്ണത്തില്‍ നിന്ന് ഈ കണക്ക് വ്യത്യാസപ്പെട്ടിട്ടില്ല. ബിഹാറിലെ ഒരു നല്ല വോട്ടര്‍ പട്ടികയില്‍ 8.18 കോടി പേരുണ്ടാകണമെന്നും യാദവ് പറഞ്ഞു. വ്യക്തമായ കണക്കുകള്‍ അവതരിപ്പിച്ച യാദവിനെ ബെഞ്ച് പ്രശംസിച്ചു.

Political activist Yogendra Yadav presented two individuals, declared dead and removed from Bihar’s voter list by the Election Commission, alive before the Supreme Court. During a hearing on the Special Intensive Revision (SIR) of Bihar’s electoral rolls, Yadav called it the "largest disenfranchisement in history," alleging 65 lakh names were deleted, potentially exceeding one crore. The bench, led by Justices Surya Kant and Joymalya Bagchi, witnessed dramatic scenes as Election Commission’s counsel termed it “drama.” Justice Bagchi noted the error could be corrected, while praising Yadav’s analysis. The case continues.