ദോഹ: ശസ്ത്രക്രിയക്ക് വിധേയനായ പ്രശസ്ത യുട്യൂബറും സന്നദ്ധസേവകനുമായ ഗനീം അല്‍ മുസ്തഫ അപകടനില തരണം ചെയ്തതായി സഹോദരന്‍. ശസ്ത്രക്രിയക്ക് വിധേയനാക്കിയ ഗനീമിന്റെ ആരോഗ്യത്തിനായുള്ള പ്രാര്‍ത്ഥനയിലാണ് ഖത്തറും അറബ് ലോകവും.

ഗനീം അപകടനില തരണം ചെയ്തതായും സംസാരിച്ചതായും മികച്ച ചികിത്സ നല്‍കുന്നതിനായി ഗനീമിനെ മറ്റൊരു ആശുപത്രിയിലേക്ക് മാറ്റിയതായും അദ്ദേഹത്തിന്റെ സഹോദരന്‍ അഹമ്മദ് സമൂഹമാധ്യമമായ എക്‌സില്‍ കഴിഞ്ഞ ദിവസം കുറിച്ചിരുന്നു. ഗനീമിനെ ആംബുലന്‍സില്‍ മറ്റൊരു ആശുപത്രിയിലേക്ക് മാറ്റുന്ന വീഡിയോയും സഹോദരന്‍ പങ്കുവെച്ചിരുന്നു.

ALSO READ: ലുസൈൽ, അൽ ഖോർ, അൽ റുവൈസ് എന്നി ​ന​ഗരങ്ങളെ ബന്ധിപ്പിക്കുന്ന പുതിയ എക്സ്പ്രസ് ബസ് റൂട്ടിന് (E801) നാളെ തുടക്കം 

ശസ്ത്രക്രിയക്ക് പിന്നാലെ ഗനീമിന്റെ ആരോഗ്യനില മോശമായപ്പോള്‍ അദ്ദേഹത്തിനായി പ്രാര്‍ത്ഥിക്കണമെന്ന് ഖത്തര്‍ അന്താരാഷ്ട്ര സഹകരണ സഹമന്ത്രി മറിയം അല്‍ മിസ്നാദ് ആഹ്വാനം ചെയ്തിരുന്നു.

'ദാനം ചെയ്യുന്നതിന് അതിരുകളില്ലെന്നും യഥാര്‍ത്ഥ ശക്തി ഹൃദയത്തില്‍ നിന്നാണ് ഉത്ഭവിക്കുന്നതെന്നും ഗനീം അല്‍-മുഫ്ത നമ്മെ പഠിപ്പിച്ചു. ഇന്ന്, നമ്മുടെ പ്രാര്‍ത്ഥനയില്‍ ശക്തി ആവശ്യമുള്ളത് അവനാണ്. അല്ലാഹുവേ, അവനെ സുഖപ്പെടുത്തേണമേ, അവന് സൗഖ്യം നല്‍കേണമേ'. കഴിഞ്ഞ ദിവസം എക്‌സില്‍ അല്‍ മിസ്‌നദ് കുറിച്ചു.

 

 

കഴിഞ്ഞയാഴ്ചയാണ് അല്‍-മുഫ്തയുടെ സഹോദരന്‍ ജര്‍മ്മനിയില്‍ വെച്ച് ഗനീം ശസ്ത്രക്രിയയ്ക്ക് വിധേയനാകുകയാണെന്ന് പറഞ്ഞുകൊണ്ട് ഒരു വീഡിയോ പോസ്റ്റ് ചെയ്തത്. വ്യാഴാഴ്ച നടത്തിയ ശസ്ത്രക്രിയക്ക് പിന്നാലെയാണ് ഗനീമിന്റെ ആരോഗ്യനില മോശമായത്. 

ഡോഡല്‍ റിഗ്രെഷന്‍ സിന്‍ഡ്രോം എന്ന അപൂര്‍വ രോഗം ബാധിച്ച ഗനീമിന് അരയ്ക്ക് താഴേക്ക് വളര്‍ച്ചയില്ല. ശാരീരിക ബുദ്ധിമുട്ടുകളെ തുടര്‍ന്ന് ഇടയ്ക്കിടെ ആശുപത്രിയില്‍ ചികിത്സ തേടാറുണ്ടെങ്കിലും പ്രതിസന്ധികളെ തരണം ചെയ്താണ് ഗനീം എന്ന യൂട്യൂബര്‍ വളര്‍ന്നുവന്നത്. 

ALSO READ: Qatar Weather: ഖത്തറില്‍ ഇന്ന് മഴയ്ക്ക് സാധ്യത; കടലില്‍ ഇറങ്ങുന്നവര്‍ക്ക് മുന്നറിയിപ്പ് 

രാജ്യത്തെ അറിയപ്പെടുന്ന ജീവകാരുണ്യ പ്രവര്‍ത്തകനായ ഗനീം 2022 ഖത്തര്‍ ലോകകപ്പോടെയാണ് ലോക ശ്രദ്ധയാര്‍ജ്ജിച്ചത്. ശാരീരിക വെല്ലുവിളികള്‍ക്കിടയിലും ആത്മവിശ്വാസത്തിന്റെ പ്രതിരൂപമായി ലോകകപ്പ് വേദിയില്‍ എത്തിയ ഗനീം ഹോളിവുഡ് താരം മോര്‍ഗന്‍ ഫ്രീമാനോപ്പം വേദി പങ്കിട്ട് കാല്‍പ്പന്തു പ്രേമികളുടെ കയ്യടി നേടിയിരുന്നു. 

എല്ലാ മനുഷ്യര്‍ക്കുമുള്ള പ്രചോദനത്തിന്റെ ഉറവിടമാണ് ഗനീം എന്നാണ് അന്ന് ഫിഫ പ്രസിഡന്റ് ജിയാനി ഇന്‍ഫാന്റിയോ പറഞ്ഞത്. മോട്ടിവേഷന്‍ പ്രസംഗങ്ങളിലൂടെയും മറ്റും തരംഗം തീര്‍ത്ത ഗനീമിന്റെ തിരിച്ചുവരവിനായി പ്രാര്‍ത്ഥിക്കുകയാണ് ഖത്തറിലെ ജനങ്ങള്‍. 

Ghanem’s brother recalls his courage in overcoming life’s challenges, as Qatar’s inspirational story takes the spotlight with Morgan Freeman at the FIFA World Cup opening ceremony.