ദുബൈ: നിക്ഷേപ പദ്ധതിയുടെ പേരില്‍ യുവാവിനെ കബളിപ്പിച്ച പ്രതിക്ക് കടുത്ത ശിക്ഷ വിധിച്ച് അല്‍ ഐന്‍ കോടതി. കബളിപ്പിക്കപ്പെട്ട വ്യക്തിക്ക് 160,000 ദിര്‍ഹം നല്‍കാനാണ് അല്‍ ഐന്‍ സിവില്‍, കൊമേഴ്സ്യല്‍, അഡ്മിനിസ്‌ട്രേറ്റീവ് കേസ്സ് കോടതി ഉത്തരവിട്ടത്. കോടതി രേഖകള്‍ പ്രകാരം, പ്രതി സ്വകാര്യ കമ്പനികളുടെ ഉടമയാണെന്ന് തന്നെ ബോധ്യപ്പെടുത്തിയെന്നും തുടര്‍ന്ന് കമ്പനികളില്‍ പണം നിക്ഷേപിക്കാന്‍ തന്നെ പ്രേരിപ്പിച്ചെന്നും പരാതിക്കാരന്‍ പറയുന്നു.

ALSO READ: വാഹനാപകടത്തില്‍ മരിച്ച മലയാളിയുടെ കുടുംബത്തിന് ഒരു കോടി രൂപയോളം നഷ്ടപരിഹാരം  

അവകാശവാദങ്ങള്‍ വിശ്വസിച്ച പരാതിക്കാരന്‍ പ്രതിക്ക് രണ്ട് ഗഡുക്കളായി 150,000 ദിര്‍ഹം കൈമാറി. താമസിയാതെ, പ്രതി സംസാരിക്കുന്നത് നിര്‍ത്തുകയും ഒടുവില്‍ കോളുകള്‍ക്ക് മറുപടി നല്‍കുന്നത് പോലും നിര്‍ത്തുന്ന സ്ഥിതിയിലേക്ക് എത്തുകയായിരുന്നു.

ALSO READ: ഷേഡ് ആന്‍ഡ് റിവാര്‍ഡ്: തൊഴിലാളികള്‍ക്ക് കുടകള്‍ വിതരണം ചെയ്ത് ദുബൈ പൊലിസ് 

കോടതി നിയമിച്ച ഒരു അക്കൗണ്ടിംഗ് വിദഗ്ധന്‍, പ്രതി വ്യാപാരത്തില്‍ പാര്‍ട്ട്‌നറാക്കാമെന്ന് വിശ്വസിപ്പിച്ച് പണം വാങ്ങിയതായി സമ്മതിച്ചതായും പരാതിക്കാരനുമായി ഒരു അനൗപചാരിക നിക്ഷേപ കരാറില്‍ ഏര്‍പ്പെട്ടതായും കണ്ടെത്തി. വ്യവസ്ഥകള്‍ പാലിക്കുന്നതില്‍ പ്രതി പരാജയപ്പെട്ടെന്നും പിന്നീട് മൂലധനം നഷ്ടപ്പെട്ടുവെന്ന് അവകാശപ്പെടുകയും കൃത്യമായ കണക്കുകള്‍ നല്‍കാന്‍ വിസമ്മതിക്കുകയും ചെയ്യുകയായിരുന്നു.

തുടര്‍ന്നാണ് പരാതിക്കാരന് 150,000 ദിര്‍ഹം മുതലും 20,000 ദിര്‍ഹം നഷ്ടപരിഹാരവും തിരികെ നല്‍കാന്‍ കോടതി ഉത്തരവിട്ടത്.

UAE court has ordered a young man to pay Dh160,000 in compensation after being found guilty in an investment fraud case. Full details here.