എന്തിനും ഏതിനും ഒഫിഷ്യല്‍ രേഖയായി കണക്കാക്കുന്ന രേഖയാണ് ആധാര്‍ കാര്‍ഡ്. അത്രമേല്‍ സുരക്ഷിതമായി കൊണ്ടുനടക്കേണ്ട ഡോക്യുമെന്റ്‌സ് ആയതുകൊണ്ടുതന്നെ ആധാര്‍ ഇനി സുരക്ഷിതമായി കൊണ്ട് നടക്കാം. 

സാധാരണ ആധാര്‍ കാര്‍ഡുകളേക്കാള്‍ മികച്ചത് പിവിസി ആധാര്‍ കാര്‍ഡുകളാണ്. കേടുപാടുകള്‍ പെട്ടെന്ന് സംഭവിക്കാത്ത വിധം ഒരു ക്രെഡിറ്റ് കാര്‍ഡ് പോലെ ഇത് സൂക്ഷിക്കാന്‍ സാധിക്കും. 

ആധാര്‍ പിവിസി കാര്‍ഡിന്  അപേക്ഷിക്കാം

• യുഐഡിഎഐയുടെ ഔദ്യോഗിക വെബ്സൈറ്റ് സന്ദര്‍ശിക്കുക
• uidai.gov.in എന്ന വെബ്‌സൈറ്റില്‍ ആധാര്‍ കാര്‍ഡ് ഓര്‍ഡര്‍ എന്ന പേജ് തുറക്കുക
• ആധാര്‍ വിശദാംശങ്ങള്‍ നല്‍കുക
• ആധാര്‍ നമ്പര്‍, വെര്‍ച്വല്‍ ഐഡി (വിഐഡി), അല്ലെങ്കില്‍ എന്റോള്‍മെന്റ് ഐഡി (ഇഐഡി) നല്‍കുക.
• ഒടിപി നല്‍കി സ്ഥിരീകരിക്കുക.
• ആധാര്‍ കാര്‍ഡ് പ്രിവ്യൂ ചെയ്യുക
• അടുത്തതായി പണമടയ്ക്കുക.
• 50 രൂപ ചാര്‍ജ് ഓണ്‍ലൈനായി അടയ്ക്കുക.

പണമടച്ചു കഴിഞ്ഞാല്‍ സര്‍വീസ് റിക്വസ്റ്റ് നമ്പര്‍ (SRN) ലഭിക്കും. ഇത് ഓര്‍ഡറിന്റെ സ്റ്റാറ്റസ് പരിശോധിക്കാനുള്ള നമ്പറാണ്.

അതേസമയം ഈ കാര്‍ഡിന് അപേക്ഷിച്ചാല്‍ അത് വീട്ടില്‍ ഡെലിവറി ചെയ്യും. എന്നാല്‍ അല്‍പം സമയം പിടിക്കുമെന്ന് മാത്രം. ഇന്ത്യ പോസ്റ്റ് - സ്പീഡ് പോസ്റ്റ് വഴി രജിസ്റ്റര്‍ ചെയ്ത വിലാസത്തിലേക്ക് ഈ കാര്‍ഡ് എത്തിക്കും. 

കൂടാതെ ട്രാക്കിങ് ഐഡി ഉപയോഗിച്ച് ഡെലിവറി സ്റ്റാറ്റസ് ഓണ്‍ലൈനായി പരിശോധിക്കാനും സാധിക്കും.