കോവളം: വിഴിഞ്ഞം ഇന്‍സ്‌പെക്ഷന്‍ ബംഗ്‌ളാവിന് സമീപത്തെ വലിയ മണല്‍ തീരത്ത് കടലില്‍ കാണാതായ യുവാവിനായി ഇന്നലെ നടത്തിയ തിരച്ചിലും ഫലം കണ്ടില്ല.
അതേ സമയം അപകടം നടന്നു മൂന്നു ദിവസം പിന്നിട്ടിട്ടും തിരച്ചിലിന് നേവിയുടെ സഹായം ലഭിക്കാത്തതില്‍ നാട്ടുകാര്‍ പ്രതിഷേധിച്ചു. സംഭവ ദിവസം സ്ഥലത്തെത്തിയ എം.എല്‍.എ വിന്‍സെന്റ് കലക്ടറുമായി സംസാരിച്ച് നേവിയുടെ സഹായം തേടിയിരുന്നു.ഇന്നലെ സ്ഥലം സന്ദര്‍ശിച്ച നഗരസഭ മേയര്‍ പ്രശാന്ത്, വി.ശിവന്‍കുട്ടി എന്നിവരോട് നാട്ടുകാര്‍ പ്രതിഷേധമറിയിച്ചു. കഴിഞ്ഞ ഞായറാഴ്ച രാവിലെയാണ് കടല്‍തീരത്ത് ഫുട്‌ബോള്‍ കളിക്കാനെത്തിയ അജ്മല്‍ഖാനെ(19) തിരയില്‍പെട്ട് കാണാതായത്.