ആലപ്പോ: സിറിയയിലെ ആലപ്പോയില്‍ വിമതര്‍ക്കു നേരെ സിറിയന്‍സേന നടത്തിയ രാസായുധപ്രയോഗത്തില്‍ ഒരാള്‍ മരിച്ചു.

വിമതരുടെ ശക്തികേന്ദ്രത്തിനു ഹെലികോപ്റ്റര്‍ ഉപയോഗിച്ച് ക്ലോറിന്‍ വാതകം നിറച്ച ബാരല്‍ ബോംബുകള്‍ വര്‍ഷിക്കുകയായിരുന്നുവെന്നാണ് റിപ്പോര്‍ട്ട്. സംഭവത്തെ തുടര്‍ന്ന് 100 ലധികം പേര്‍ക്ക് പരുക്കേല്‍ക്കുകയും ചെയതു.

സംഭവത്തെ തുടര്‍ന്ന് ശ്വാസതടസം അനുഭവപ്പെട്ട് ആശുപത്രിയില്‍ പ്രവേശിപ്പിച്ചവരുടെ ചിത്രങ്ങള്‍ ചില മാധ്യമങ്ങള്‍ പുറത്തുവിട്ടിട്ടുണ്ട്. അലപ്പോയില്‍ ഇതിനു മുന്‍പ് രണ്ട് തവണ രാസായുധ പ്രയോഗം നടത്തിയിരുന്നു.