പാലക്കാട്: കഞ്ചാവുമായി യുവ അഭിഭാഷകന്‍ പൊലിസ് പിടിയില്‍. പുതുനഗരം പൊലിസിന്റെ നേതൃത്വത്തില്‍ ഉള്ള സംഘം പുതുനഗരം ടൗണില്‍ നടത്തിയ വാഹന പരിശോധനയിലാണ് അഭിഭാഷകന്‍ പിടിയിലാകുന്നത്. പാലക്കാട് കോടതിയില്‍ അഭിഭാഷകനായി പ്രാക്ടീസ് ചെയ്യുന്ന ശ്രീജിത് (32)നെയാണ് പൊലീസ് കസ്റ്റഡിയില്‍ എടുത്തത്.

വടവനൂര്‍ സ്വദേശിയാണ് ശ്രീജിത്. പരിശോധനയുടെ ഭാഗമായി ഇയാള്‍ സഞ്ചരിച്ചിരുന്ന കിയ സെല്‍റ്റോസ് കാര്‍ പരിശോധിച്ചപ്പോഴായിരുന്നു അര കിലോയോളം കഞ്ചാവ് പിടിച്ചെടുത്തത്. കൊടുവായൂര്‍ ഭാഗത്തു നിന്നാണ് ഇയാള്‍ കാറുമായി വന്നത്. ഇയാള്‍ സഞ്ചരിച്ച കാറും കസ്റ്റഡിയില്‍ എടുത്തിട്ടുണ്ട്.

ALSO READ: പീഡനപരാതിയില്‍ റാപ്പര്‍ വേടന്‍ ഇന്ന് ചോദ്യം ചെയ്യലിന് ഹാജരാകും

പുതുനഗരം സബ് ഇന്‍സ്‌പെക്ടര്‍ ശിവ ചന്ദ്രന്‍ന്റെ നേതൃത്വത്തില്‍ എഎസ്‌ഐ പ്രതാപ ചന്ദ്രന്‍, എഎസ്‌ഐ ശ്രീനാഥ്, എസ്‌സിപിഒ രതീഷ്, എസ് സി പി ഒ ഹക്കിം, എസ് സി പി ഒ ജിജേഷ്, എസ് സി പി ഒ സുള്‍ഫിക്കര്‍ അലി എന്നിവര്‍ അടങ്ങിയ പൊലിസ് സംഘമാണ് പ്രതിയെ പിടികൂടിയത്.

A young lawyer, Sreejith (32), who practices at the Palakkad court, was taken into custody by the Puthunagaram police after he was found in possession of cannabis during a routine vehicle check in Puthunagaram town.