കൊച്ചി: മെസി കളിക്കുന്ന അര്‍ജന്റീന സൗഹൃദ മത്സരം കൊച്ചിയില്‍ നടത്തിയേക്കും. നേരത്തെ തിരുവനന്തപുരത്ത് നടക്കാനിരുന്ന മത്സരം കൊച്ചിയിലേക്ക് മാറ്റുകയായിരുന്നു. എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണമായിട്ടില്ല.

തിരുവനന്തപുരത്തെ ഗ്രീന്‍ഫീല്‍ഡ് സ്റ്റേഡിയം പരിഗണിച്ചിരുന്നെങ്കിലും, കളിക്കാര്‍ക്കും വി.വി.ഐ.പികള്‍ക്കും ആവശ്യമായ യാത്രാ- താമസ സൗകര്യങ്ങള്‍ ഒരുക്കാന്‍ കൊച്ചിയാണ് ഏറ്റവും അനുയോജ്യമായ സ്ഥലമെന്നതിനാണ് ഈ തീരുമാനം. 

നവംബറിലാണ് അര്‍ജന്റീന ടീം കൊച്ചിയിലെത്തുകയെന്നാണ് വിവരം. കേരളത്തിലെത്തുന്നത് സംബന്ധിച്ച് അര്‍ജന്റീന ഫുട്ബോള്‍ അസോസിയേഷന്‍ അടുത്തിടെയാണ് ഔദ്യോഗികമായി സ്ഥിരീകരിച്ചത്. അര്‍ജന്റീന ഫുട്‌ബോള്‍ ഫെഡറേഷനും ഓള്‍ ഇന്ത്യ ഫുട്‌ബോള്‍ ഫെഡറേഷനും തമ്മില്‍ ഇതുമായി ബന്ധപ്പെട്ട ചര്‍ച്ചകള്‍ നടന്നുവരുന്നുണ്ട്. ഇതുസംബന്ധിച്ച അന്തിമ തീരുമാനം ഉടന്‍ ഉണ്ടാകുമെന്നാണ് പ്രതീക്ഷ