മസ്‌കത്ത്: ഒമാനില്‍ പ്രവാസികളായ തൊഴിലാളികളുടെ പാസ്‌പോര്‍ട്ട് തൊഴിലുടമയക്ക് കൈവശം വെക്കണമെങ്കില്‍ തൊഴിലാളികളുടെ അനുവാദം വേണമെന്ന് ജനറല്‍ ഫെഡറേഷന്‍ ഓഫ് ഒമാന്‍ വര്‍ക്കേഴ്‌സ്. പ്രവാസി തൊഴിലാളികള്‍ക്ക്, വ്യക്തിഗത രേഖകളുമായി ബന്ധപ്പെട്ട നിയമപരമായി ലഭിക്കേണ്ട അവകാശമാണിതെന്നും അധികൃതര്‍ വ്യക്തമാക്കി.

ALSO READ: 2026-2027 അധ്യയന വർഷം; ഒമാനിലെ സ്വകാര്യ വിദ്യാലയങ്ങളിലേക്കുള്ള ഒന്നാം ഗ്രേഡ്ര് രജിസ്‌ട്രേഷൻ ഒക്ടോബർ 15 ന് ആരംഭിക്കും 

പുതിയ തൊഴില്‍ നിയമത്തെക്കുറിച്ച് വിശദീകരിക്കുന്ന റോയല്‍ ഡിക്രി നമ്പര്‍ 53/2023-ലെ ആര്‍ട്ടിക്കിള്‍ 6-ലാണ് ഇക്കാര്യം വ്യക്തമാക്കുന്നത്. സ്വകാര്യ രേഖകളോ പാസ്‌പോര്‍ട്ടോ തൊഴിലുടമ സൂക്ഷിക്കണമെങ്കില്‍ ജീവനക്കാരന്റെ രേഖാമൂലമുള്ള സമ്മതം ആവശ്യമാണ്. ഈ വ്യവസ്ഥകള്‍ ലംഘിച്ചാല്‍ നിയമപരമായ ശിക്ഷയ്ക്ക് ഉത്തരവാദിയാകും.

ALSO READ: ഒമാന്‍: ഹണി ട്രാപ്പില്‍ യുവാവിനെ കുടുക്കി പണം തട്ടിയെടുത്തു; ആറു പ്രവാസികള്‍ അറസ്റ്റില്‍

ഒരു വ്യക്തിയുടെ പൗരത്വ തെളിയിക്കുന്ന രേഖയാണ് പാസ്‌പോര്‍ട്ട്. അത് അതിന്റെ ഉടമകളുടെ കൈവശമാണ് ഉണ്ടായിരിക്കേണ്ടത്. തൊഴിലാളിയുടെ സമ്മതമില്ലാതെ ഏതെങ്കിലും തൊഴിലുടമ പാസ്‌പോര്‍ട്ട് കൈവശം വെച്ചിട്ടുണ്ടെങ്കില്‍ അവര്‍ക്ക് പാസ്‌പോര്‍ട്ട് തിരികെ ലഭിക്കാനായി തൊഴില്‍ മന്ത്രാലയത്തെ സമീപിക്കാവുന്നതാണ്. പാസ്‌പോര്‍ട്ട് നല്‍കാത്തതിന് ഒരു തൊഴിലാളിയെ പിരിച്ചുവിടുന്നത് നിയമ വിരുദ്ധമാണെന്നും നിയമം വ്യക്തമാക്കുന്നു. പാസ്‌പോര്‍ട്ട് സൂക്ഷിക്കുന്ന തൊഴിലുടമകള്‍ തൊഴിലാളികള്‍ക്ക് അത് എത്രയും പെട്ടെന്ന് തിരികെ നല്‍കണമെന്നും ജനറല്‍ ഫെഡറേഷന്‍ ഓഫ് ഒമാന്‍ വര്‍ക്കേഴ്‌സ് കൂട്ടിച്ചേര്‍ത്തു.

oman has introduced a new law prohibiting employers from retaining expatriates' passports without permission. the regulation, now in effect, aims to protect migrant workers' rights, ensuring freedom and security. violations may lead to penalties, strengthening expatriate welfare in the sultanate.